Meer as 60 vas ná poskantoor brand

Die motors wat aan die brand gesteek is. (Foto: Verskaf)

Meer as 60 mense is Donderdag in Kroonstad in die Vrystaat in hegtenis geneem nadat die plaaslike poskantoor en munisipale motors gedurende ʼn betoging aan die brand gesteek is.

Volgens kapt. Stephen Thakeng, woordvoerder van die polisie, het ontstoke gemeenskapslede omstreeks 06:00 ʼn pad met brandende buitebande versper weens ontevredenheid oor dienslewering en die hoë werkloosheidsyfer in dié dorp.

Die poskantoor in die Phomolong-gebied van die dorp en motors van die Moqhaka-munisipaliteit het onder betogers deurgeloop.

Thakeng het gesê die polisie vanuit Bloemfontein, Parys, Sasolburg en Welkom het altesaam 60 betogers in hegtenis geneem op aanklag van openbare geweld.

“Die situasie is gespanne, maar die polisie kon daarin slaag om wet en orde toe te pas,” het Thakeng gesê.

Een van die voertuie wat onder betogers deurloop. (Foto: ANA)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Johan

Hulle sal absoluut niks oorkom nie en verniel maar net more verder.

Jaco

Ja maar kom verkiesing dan stem hul weer ANC. Hoekom is daar nie werk nie? Load shedding, regstellende aksie, populistiese uitsprake tov grondgrype, korrupsie, misdaad en te veel inmenging in die ekonomie deur die regering, geen sake mens wat reg is in sy kop sal meer hier wil belê nie….maar almal van ons wat hier lees weet dit alreeds.

fred

hoelank gaan wetsgehoorsame burgers en belastingsbetalers nog opdok vir hier die rampokkers?
pure anargie…ek het genoeg..julle ook?

George in Bloem

Hmmm…..ek sal baie verbaas wees as slegs een van hulle gevonnis word en/of gemaak word om die skade te betaal.

Grassie

Ons land is onstuitbaar op pad na algehele anargie. Eers was dit net swart gebiede wat deurgeloop het maar die posisie is duidelik besig om na ons kant toe uit te brei. Dit kan ernstige gevolge hê want ons gaan nie weghardloop of stilsit nie.