Nege persone, insluitend ʼn kind van ongeveer drie jaar oud, is na verskeie hospitale in Durban geneem ná hulle uit ʼn gebou gered is wat gedeeltelik ineengestort het.
Garrith Jamieson, woordvoerder van Rescue Care, het gesê die gebou is in Westweg naby Warrickstraat geleë. “Die persone het geringe tot matige beserings opgedoen,” het hy verduidelik.
“In hierdie stadium word daar vermoed dat niemand anders in die gebou is nie. Die polisie se honde-eenheid sal egter verder ondersoek instel.”
Rescue Care was saam met die polisie, die metropolisie se soek- en reddingseenheid en die Durbanse brandweer op die toneel. Die gebied is afgesper en daar was groot verkeersontwrigtings in die gebied.
Geen besonderhede is in hierdie stadium bekend oor die oorsaak van die ineenstorting nie. Die ondersoek duur voort.
Dit lyk soos n plakkers gebou. Wonder of is daar planne in plek.
Ek dink die gebou is baie oud…