Die vrou het matige tot ernstige beserings opgedoen (Foto: Verskaf)
ʼn Vrou is Maandag inderhaas hospitaal toe geneem nadat sy in die oprit van haar huis in Durban deur ʼn motor vasgepen is.
Volgens Shawn Herbst, woordvoerder van Netcare 911, is paramedici omstreeks 13:30 na ’n huis in Forest Hills, Durban, ontbied waar die ongeluk plaasgevind het.
“Volgens inligting het die vrou uit haar voertuig geklim om die hek toe te maak, toe die voertuig teruggerol en haar teen die muur vasgepen het,” sê Herbst.
“Konstruksiewerkers in die omgewing het die vrou hoor skree en haar te hulp gesnel.”
By paramedici se aankoms op die toneel was daar reeds ’n ander ambulansdiens op die toneel wat die vrou bygestaan het.
“Die vrou het matige tot ernstige beserings opgedoen en is op die toneel gestabiliseer. Sy is daarna per ambulans hospitaal toe geneem vir verdere mediese behandeling.”
Shame dis erg hoop sy is ok. Frats ongeluk gebeur so gou. Sterkte
Moet ‘n nare ondervinding wees. Dankbaar vir die Konstruksie werkers wat in die nabyheid was en haar te hulp gesnel het.
Ek gaan regtig nuus 24 mis,kort nuuswaardig en interessant.
Dit is verstommend hoeveel videos daar van soortgelyke insidente wêreldwyd op YouTube is. TREK JOU HANDREM OP! Dis ‘n basiese beginsel van motor bestuur.