Mynbaas en werker sterf ná ure ondergronds

Reddingswerkers probeer by die mans uit te kom. Foto: Verskaf

ʼn Mynbaas en ʼn werker is dood nadat hulle Donderdag ure lank ondergronds in Primrose, Germiston, vasgekeer was.

Annine Siddall, woordvoerder van ER24, het gesê die twee mans het na bewering meer as 75 m ondergronds gegaan in die myn langs Stanleyweg om watervlakke na te gaan, toe hulle vasgekeer geraak het.

“Paramedici is omstreeks 15:00 na die toneel ontbied en daar is vasgestel dat een van die mans toe reeds sowat ʼn uur lank sonder suurstof was.”

Ná ʼn langdurige reddingsproses deur brandbestryders en reddingswerkers is een van die mans se liggame omstreeks 18:00 na die oppervlak gebring en deur paramedici op die toneel dood verklaar.

Die tweede persoon se liggaam is omstreeks middernag na die oppervlakte gebring.

“Ten spyte van die reddingswerkers se volgehoue pogings kon die mans nie na veiligheid gebring word nie en is hulle dood weens ‘n tekort aan suurstof,” het sy gesê.

Dit is nog nie duidelik hoe die mans ondergronds vasgekeer geraak het nie. Die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Nina ·

Te besig gewees om zama-zamas se lyke te verwyder om legals te help?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.