(Foto: Sten Ritterfeld / Unsplash)
Fase 4-beurtkrag sal Sondag van 14:00 tot Maandag om 05:00 geïmplementeer word gevolg deur fase 3.
Dié fase sal Maandag van 05:00 tot 16:00 geld gevolg deur fase 4 van 16:00 tot Dinsdag om 05:00.
Soos sake nou staan, sal beurtkrag vanaf Dinsdag tussen fase 2 en fase 4 wissel.
#POWERALERT1#Stage4 loadshedding will be implemented from 14:00 today until 05:00 on Monday. Thereafter,
Stage 3 loadshedding will be implemented from 05:00 until 16:00 on Monday pic.twitter.com/mQ6sDd2UPh— Eskom Hld SOC Ltd (@Eskom_SA) July 23, 2023
Eskom sê ʼn opwekkingseenheid elk by die Camden- en Matla-kragstasie is die afgelope 24 uur weer in diens gestel. ʼn Opwekkingseenheid elk by die Duvha-, Grootvlei-, Kriel- en Matla-kragstasie is egter gedurende dié tyd buite werking gestel vir herstelwerk.
Eskom ervaar ook tans ʼn vertraging in die terugkeer van ʼn opwekkingseenheid by Kendal en twee opwekkingseenhede by Tutuka.
Die kragvoorsiener sê dié vertraging dra by tot die huidige kapasiteitsbeperking.
