Nege vas vir ‘bedrog’ met uitreiking van rybewyse

Foto: SAPD/Facebook

Foto: SAPD/Facebook

Nege mense is Maandag by drie rybewystoetssentrums in Noordwes in hegtenis geneem.

Simon Zwane, woordvoerder van die Padverkeerbestuurskorporasie, het gesê amptenare wat met rybewyse werk, administratiewe personeel en die eienaar van ʼn bestuurskool, is by die toetssentrums in Sannieshof, Delareyville en Vryburg in hegtenis geneem.

“Die inhegtenisnemings volg na vier maande se ondersoek deur die nasionale eenheid teen verkeerskorrupsie,” het Zwane gesê. Die verdagtes is in hegtenis geneem in verband met beweerde bedrog en korrupsie met die uitreiking van rybewyse.

Volgens Zwane word die verdagtes by die Sannieshof-polisiestasie aangehou en sal hulle na verwagting Woensdag in die hof verskyn. Nog inhegtenisnemings word verwag.

Zwane het gesê die inhegtenisnemings volg nadat 14 mense in Oktober verlede jaar by die Benoni-toetssentrum in hegtenis geneem is vir beweerde bedrog en korrupsie. Drie mense is in Februarie in Rustenburg in hegtenis geneem vir beweerde bedrog en korrupsie met die uitreiking van rybewyse.

Zwane het ʼn beroep op die publiek gedoen om voorvalle van omkopery, bedrog en korrupsie aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
DH

Sal graag die verband wou hoor tussen ongeldige rywyse en motorongelukke. Korrupsie.

Scalla

Die ongeluk syfers spreek vanself, korrupte owerheid

Rina

DH ek stem 200% met jou saam.

snoefie

een groot rede is dat mense deesdae gaan vir n kode 10 lisensie dan met kode 8 voertuie ry. wat het geword van die “wet” dat n bestuurder geen ander voertuig as wat die rybewys spesifiseer mag bestuur nie? was seker te veel anc stemmers wat daardeur benadeel sou word. wat het ook gebeur met die wet van die last 90’s vroee 2000’s wat bepaal ALLE voertuie op nationals paaie sal (nes die Namibiërs) te alle tye ry met hulle hoofligte aan?

Dirk01

Sal mr Zwane ons n kontak nr waar ons sulke informasie kan aan gee behalwe crime line?