NRO soek ‘slegs wittes’-nedersetting in Oos-Kaap

Jaqui Gary Gradwell, projekleier van “Die Eden Projek" (Skermskoot uit die video)

Jaqui Gary Gradwell, projekleier van “Die Eden Projek” (Skermskoot uit die video)

Jaqui Gary Gradwell, projekleier van “Die Eden Projek” het in ʼn video gesê dié organisasie is van voornemens om ʼn “slegs wittes”-nedersetting op ʼn plaas te begin.

Volgens Gradwell is die plaas ongeveer 38 km van Willowmore in die Oos-Kaap geleë.

Die Eden Projek is in Julie as ʼn nie-regeringsorganisasie erken.

Gradwell doen ʼn beroep op die publiek om infrastruktuur te skenk om dié nedersetting te help bou.

Die Weekend Argus het Saterdag oor die organisasie se planne berig.

Gradwell sê in die video “sy mense” het die afgelope 20 jaar gebuk gegaan onder gewelddadige optrede van swart mense. Volgens ʼn “nuwe kolonialisme” doen hy ʼn beroep op wit gesinne om na dié plaas te verhuis en van voor af te begin.

Hy beweer al die dokumente vir die 2 300 hektaar grond is reeds onderteken en hulle versoek nou die publiek om infrastruktuur te skenk om met die nedersetting te begin.

Volgens die Eden Projek se Facebook-groep is hulle, onder andere, op soek na kragopwekkers, boumateriaal, landbou-implemente, vee en medisyne.

“Ons is bewus van projekte soos Orania (1 200 inwoners) en Anwes (potensiale drakrag van ongeveer 1 000 pioniers) asook ander kleiner projekte. Eden besit die kapasiteit om tussen 20 000 en 40 000 pioniers te vestig en te onderhou op die 2 300 Ha trakte,” lui ʼn plasing op die groep se Facebook-blad. “Eden se geheim is water. Daar is voldoende water vir huislike en landelike gebruik en infrastruktuur vir die verspreiding van hierdie bron bestaan regoor die plaas.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
jaco

dorpstigting vir 20000 mense, al is hulle ook pienk of geel of vanaf die planeet Mars, val nie net uit die lug nie. Dit verg biljoene Rande vir infrastruktuur en ‘n magdom ander goed. Dié gaan nog lank droom…

Sputnik

Nee my omie, sonder ‘n detail uitvoebaarheid- en volhoubaarheidstudie deur voldoende akademies toegeruste persone wat vir my die teendeel bewys, het ek ernstige bedenkinge oor die moontlikheid op sukses. Ek is bevrees dit gaan net ‘n doodloopstraat in die vorm van ‘n plakkerskamp wees.

Wil

Ek wil graag gaan. Ek sal my hande stompies werk vir ‘n beter toekoms,

Sputnik

Behoorlike uitvoerbaarheid- en veral volhoubaarheidstudies gedoen deur mense wat weet wat hulle doen? Nie? O, aarde! Resep vir wit plakkerskamp!

Marianne

Vele hande maak ligte werk. My man bly tans weens werk op so plaas, in ‘n mooi Steen bungalow. Daar is baie mense op die plaas. Hulle is self voorsienend en betaal huur. Hulle het almal pre-paid elekriesiteid. Dis veilig, dis netjies, dis Wit en Afrikaans …..
Almal is baie gelukkig.
Ek wens meer boere veral in afgelee plekke wil so projek aanpak. Meer siels gee meer veiligheid, veiligheid gee gerusstelling en almal boer saam. Dit beteken geen plaas grond word gevat nie.
So kom boere volk vat hande. Eendrag maak mag.
Wel gedaan aan die wat dit reeds begin het.