NVG-baas soek antwoorde

Shaun Abrahams. Argieffoto: ANA

Adv. Shaun Abrahams, nasionale direkteur van openbare vervolging, wil binnekort antwoorde hê oor of pres. Jacob Zuma aangekla moet word of nie.

Abrahams het Dinsdag gesê hy het die span wat die korrupsiebeweringe teen Zuma hanteer tot volgende Vrydag gegun om voorstelle te maak of Zuma aangekla moet word.

“Die Nasionale Vervolgingsgesag (NVG) bevestig dat adv. Abrahams die vervolgingspan opdrag gegee het om nie later nie as 23 Februarie hul aanbevelings te maak. Sodra hy dit ontvang, sal hy beslis oor die pad vorentoe,” het die NVG in ʼn verklaring gesê.

Zuma se prokureurs het op 31 Januarie sy vertoë aan die NVG gerig oor waarom die 18 aanklagte – 12 van bedrog, vier van korrupsie, een van geldwassery en een van afpersing – wat spruit uit die 783 betalings van meer as R4 miljoen wat na bewering deur en vir Zuma deur Schabir Shaik en sy Nkobi-groep tussen 1995 en 2006 gemaak is, nie weer teen hom ingestel moet word nie.

Die DA het in November verlede jaar dokumente vir die herinstelling van die aanklagte by die NVG ingedien en het aangevoer die besluit wat in April 2009 hieroor geneem is om die aanklagte teen Zuma terug te trek, enkele maande voordat hy tot president verkies is, was irrasioneel.

Die appèlhof het vroeër beslis dat die besluit deur Mokotedi Mpshe, vorige hoof van die NVG, om die aanklagte terug te trek, wel onwettig was. Zuma is daarna die geleentheid gegun om ʼn vertoë te rig oor hoekom die aanklagte teen hom nie weer ingestel moet word nie. Die aanvanklike sperdatum hiervoor was 30 November, maar Zuma het sewe weke uitstel gekry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

13
Nou pra' jý

Jy moet deel van Maroela-fontein wees om kommentaar te lewer.

of word deel

12 Kommentators

13 Kommentare

jongste oudste gewildste
Schalk van der Merwe

So, as Shaun kon lees sou hy geweet het wat die appel se beslissing was. Dra sy spannetjie se aanbevelings dan nou meer gewig?

Johanna Botha

Die man het SA verlam en gevolglik is sa totaal wetteloos ! Lees dit (crime pays in SA ) : S.A Government makes huge profits from crime. Example 1: Take just one million home owners in Gauteng who pay for “armed crime reaction” (not crime prevention) where private security companies react AFTER the crime has taken place – no wonder they never make any arrests! This service costs on average R250 p.m. Therefore 1,000,000 x R240.00 x 12 months x 14% VAT, generates R403 million in tax revenue for the SA Govt! Example 2: A car thief steals a R500,000… Lees meer »

Willie

Ek kry n gevoel hy is nie warm nie ook nie koud nie…

Genieve

Shaun Abrahams ek hoop jy sal die land verkeerd bewys en dat daar waarlik bewyse sal wees.

anti verrotting

Ek vertrou hom geensins nie – hy cover ook vir sy pel zuma.