Argieffoto: Facebook
Die erg ontbinde liggaam van ʼn man is Sondag in die Gcuwa-rivier in Butterworth in die Oos-Kaap gevind.
Kapt. Jackson Manatha, polisiewoordvoerder, het gesê ʼn lid van die publiek het die drywende liggaam in die rivier opgemerk en die polisie ontbied. “Die liggaam was reeds in ʼn gevorderde stadium van ontbinding gewees,” het hy gesê.
Manatha het gevra dat enigiemand met inligting wat kan help om die man te identifiseer die Butterworth-polisiekantoor by 047 401 1100 skakel.
ʼn Nadoodse ondersoek sal gedoen word.
