’n Gasontploffing by ’n huis in Motherwell het die Oos-Kaapse polisie tot ’n reusevonds van onwettige perlemoen met ’n beraamde straatwaarde van meer as R1 miljoen gelei.
Die huis – ingerig om perlemoen uit te droog – is Vrydagaand feitlik vernietig met slegs een vertrek wat ná die ontploffing behoue gebly het.
Kol. Priscilla Naidu, woordvoerder van die polisie, sê polisiebeamptes is omstreeks 21:50 na die verwoeste huis in Ncwazistraat ontbied waar hulle op waaiers, gasbottels en 2 227 eenhede perlemoen in die huis afgekom het.
Die huis is sowat ses maande gelede verhuur. Geen verdagtes is egter op die toneel gevind nie.
Naidu sê die polisie in Kariega se veediefstal- en bedreigdespesie-eenheid ondersoek nou ’n saak van kwaadwillige beskadiging van eiendom, asook die oortreding van die Wet op Lewende Mariene Hulpbronne, aangesien die fasiliteit sonder enige permit bedryf is.
Die polisie doen intussen ’n beroep op mense met inligting oor waar die verdagtes hulle bevind om na vore te kom en AO Raymond Ley by 082 441 7985 of 041 996 3340 te bel.
Brig. Thandiswa Kupiso, die waarnemende distrikskommissaris van Nelson Mandelabaai, doen ook ’n beroep op lede van die publiek om enige verdagte aktiwiteite in hul woonbuurte by die polisie aan te meld.
“Die onus rus ook op huiseienaars wat hul eiendomme verhuur om dié eiendomme soms te besoek en te inspekteer. Ons sal nie toelaat dat misdadigers hul onwettige handel onder die neuse van wetsgehoorsame burgers beoefen nie,” het Kupiso gesê.
Was dit nie vir die ontploffing nie sou die polisie nooit geweet het nie. Useless beyond belief.
almal kop in een mus
Karma
Daar is nie so iets soos “karma” nie en selfs die beskrywing daarvan deur die mense wat daarin glo is dat dit te doen het met jou voorbeeld in jou huidige lewe waarvoor jy beloon/benadeel word as jy reinkarneer (ook bog)
Gebruik eerder die slagspreek, “die wiel het gedraai”
Was die perlemoen al klaar gaar toe die overhede daar aankom?
Dis ROU perlemoen wat op rakke GEDROOG word. Dit word nie gaar nie maar sover ek kan uitmaak op die foto’s is dit al in ‘n gevorderde stadium van droging.
Wys net weereens dat die SAP maar kan ontbind en die Privaat Sekuriteitsmaaskappy oorneem.
Die eienaar van die huis moet ook antwoord.
Ek hoor die snikke tot in China.
Gee die sekuriteit n kans hulle beter wakkerder as plisie vinniger op n plek en doen hulle werk voluit bravo vir sekuriteit manne
Dankie.