Oudminister in hof oor ‘bedrog, geldwassery’

Sbu Ndebele, voormalige minister van vervoer. Foto: Flickr/GovernmentZA

Sbu Ndebele, voormalige minister van vervoer. Foto: Flickr/GovernmentZA

Sbu Ndebele, voormalige minister van vervoer, sal vandag saam met vier medebeskuldigdes in die hooggeregshof in Pretoria verskyn op aanklagte van bedrog, korrupsie en geldwassery.

Ndebele word daarvan beskuldig dat hy meer as R10 miljoen omkoopgeld aanvaar het wat verband hou met verlenging van die multi-miljard rand kontrak vir die eNatis nasionale voertuigregistrasieprojek.

Ndebele het in Desember verlede jaar in die handelsmisdaadhof in Durban verskyn in verband met dieselfde aanklagte. Hy is toe op borgtog van R10 000 vrygelaat.

Luvuyo Mfaku, woordvoerder van die Nasionale Vervolgingsgesag (NVG), wou destyds nie die presiese bedrag bekendmaak wat glo betrokke was nie, omdat hy nie “die saak wou benadeel nie”.

Die saak is uitgestel sodat Ndebele in Pretoria by sy medebeskuldigdes kan aansluit vir die volgende hofverskyning. Die ander beskuldigdes in die saak is George Mahlalela, voormalige direkteur-generaal van die departement van vervoer, Zakhele Thwala, Sibusiso Justin Ncube en Tebogo Mphuti. Hulle is almal op borgtog van R10 000 elk vrygelaat.

Al die beskuldigdes staan tereg op aanklagte van bedrog, korrupsie, geldwassery en oortreding van die Wet op Openbare Finansiële Bestuur.

Drie maatskappye – MSRD (Pty) Ltd, Brand Partners en Sinosa Construction – word in verband met die saak ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Elon

Woorde is daar nie…..

Scalla

Borg van R10 000, dit is 0.1% van die omkoopgeld, korrup

Besorg

En so kan 9 uit 10 ANC ministers maar ondersoek word. Regeer net om te kan steel. Nie daar in belang van die publiek nie. No 1 is ‘n goeie voorbeeld.

Anel

Ja, en ons betaal elke jaar R36.00 ekstra op ons lisensies. Glo admin fooi maar dit is om enatis te finansier!

ANDRE

Ssa Flaffie ! Vat hom !