Die Padverkeerbestuurskorporasie (RTMC) maan motoriste om hul ligte aan te skakel terwyl verkeersvolumes op nasionale roetes aan die einde van die vakansie toeneem.
Simon Zwane, woordvoerder van die RTMC, het in ʼn verklaring gesê dit is in groot dele van die land bewolk en motoriste word gemaan om hul ligte aan te skakel om sigbaarheid te verhoog.
Die getal voertuie wat vakansiebestemmings aan die kus verlaat, het Saterdag skerp toegeneem. Altesaam 1 600 voertuie per uur is op die N3 in KwaZulu-Natal, in die rigting van Gauteng, aangeteken.
ʼn Groot getal voertuie word ook op die N1 van Limpopo, die N4 van Mpumalanga en die N2 van Noordwes verwag.
Wetstoepassingsbedrywighede duur voort op alle groot roetes. “Minstens 1 500 motoriste is reeds in hegtenis geneem vir dronkbestuur en 4 700 onpadwaardige voertuie is geskut.”
Motoriste word ook daaraan herinner dat dit onwettig is om tydens die aandklokreël op die pad te wees. Die aandklokreël duur van 21:00 tot 06:00.