Die oud-Springbokbreier Peter de Villiers het na die politieke arena teruggekeer en ʼn pos as raadslid by die GOOD-party in die Drakenstein-munisipaliteit aanvaar.
De Villiers het in Junie verlede jaar as raadslid in dié munisipaliteit bedank, hoewel hy steeds ʼn lid van die party gebly het. Die party het destyds gesê De Villiers het bedank om op ander aspekte van sy lewe te fokus en meer tyd saam met sy familie deur te bring. Sy vrou, Theresa, is in April 2022 oorlede en in 2019 het die egpaar hul dogter, Odile (28), weens kanker aan die dood afgestaan.
GOOD het vandeesweek gesê dat die party De Villiers verlede week genomineer het om ʼn vakante pos in die Drakenstein-munisipaliteit te vul. Dit volg nadat raadslid Edgar Arendse se lidmaatskap by GOOD ná ʼn interne dissiplinêre proses beëindig is.
It’s GOOD to have @CoachPdV return to the Drakenstein Council. We know his wisdom, experience and leadership will be of service to all.https://t.co/B6UDrwF3s5
— Brett Herron ???????? (@brettherron) January 5, 2023
“Coach, soos hy liefderik bekendstaan, het GOOD se veldtog in die Drakenstein-munisipaliteit gelei as ons burgemeesterskandidaat in die 2021- plaaslike regeringsverkiesing, waar GOOD vier sittings in die raad gekry het,” het die party gesê.
“Hy het weens persoonlike redes in Junie 2022 bedank, maar is deur die party genomineer om na die raad terug te keer. De Villiers sien uit daarna om die mense van Drakenstein te dien, soos in die burgemeestersveldtog van 2021 beloof is.”
???? We are proud to welcome @CoachPdV back as a GOOD councillor in the Drakenstein Municipality.
Coach, as he is known, was our Mayoral Candidate in the 2021 Local Elections in Drakenstein where GOOD obtained 4 seats. https://t.co/6e3bOSi73U
— GOOD (@ForGoodZA) January 4, 2023
De Villiers sê hy is gereed om aan te gaan waar hy opgehou het en volstoom aan die werk te spring.
“Ek sien uit daarna om die GOOD-plan in werking te stel en ons beweging verder te laat groei. Ek sien uit na al die uitdagings wat saam met hierdie geleentheid kom en sal my bes doen om, soos altyd, die gemeenskap en mense van Suid-Afrika te dien,” het De Villiers gesê.
Ag ou stem verdwyn net, jy praat net nonsens is al wat jy kan doen