Petrolprys styg weer

Argieffoto

Argieffoto

Die departement van energie het Maandag ʼn styging in die petrolprys aangekondig.

Volgens die departement styg die prys van 95- en 93-oktaan-petrol Woensdag met 12 sent per liter.

Suid-Afrika se petrolpryse word maandeliks aangepas op grond van plaaslike in internasionale faktore.

Die departement het in ʼn verklaring bevestig die prys van diesel met ʼn swaelinhoud van 0,05% daal met een sent per liter en dié van 0,005% met twee sent per liter. Paraffien daal met nege sent per liter en LP-gas daal met vyf sent per kilogram.

Volgens die departement is die grootste rede vir die aanpassing in die petrolprys in Mei 2016 die gemiddelde styging in pryse van petroleumprodukte in die internasionale markte (ongeveer 40 sent per liter vir petrol en 20 sent per liter vir diesel). Die verstewiging van die rand teenoor die Amerikaanse dollar tydens die hersieningsperiode het ʼn buffer van ongeveer 25 sent per liter verseker.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Koos

Ja met “chinece bookkeeping” kan jy enige iemand n gat in die kop praat

DNA

Ek sal graag n afbreuk syfer wil he van diesel, petrol ens. om te weet waar na toe die geld gaan wat die eind verbruiker betaal

andré barnard

Dit gebeur as ‘n 3de werêld rewolusionêre beweging aan bewind kom in ‘n 1ste werêld omgewing. Pleks van vooruitgang is daar agteruitgang.

Marous

Oliepryse is laagste ooit…wie bluf julle? Dis om die gate te probeer toestop met belastingbetalers betalers geld. Soos altyd.p

Chris Ws

Wat my woedend maak is die prys van Sasol brandstowwe.Sasol word uit steenkool vervaardig wat naby aan die spul Sasols gemyn word.Maar ingesluit in Sasol se prys is die pypleidings kostes van Durban af tot op die Rand.Hoekom?Verder is die vervaardigings koste per liter brandstof ook BAIE minder as die ander gewone brandstowwe sin maar die prys by die pomp is dieselfde.Hoekom?Hoeveel skep die regering nie hier nie??