Die polisie in Gauteng het Woensdagaand drie vermeende blouligrowers in Johannesburg doodgeskiet en een in hegtenis geneem.
Die verdagtes word verbind met kapings en gewapende rooftogte in die noordelike voorstede van Johannesburg. Voertuie met blou ligte is tydens sommige van die voorvalle gebruik om slagoffers te flous.
Lt.kol. Mavela Masondo, woordvoerder van die polisie, sê lede van die polisie en private veiligheidsmaatskappye het gisteraand op inligting rakende die verdagtes gereageer toe die operasie in ’n skietery tussen die owerhede en die verdagtes ontaard het.
Masondo sê die span het omstreeks 19:00 ’n Ford Figo met vier insittendes in Bramley gewaar en die motor probeer voorkeer. Die motor het egter weggejaag terwyl die insittendes van die motor skote op die owerhede afgevuur het.
Die owerhede het toe die motor agternagesit en self skote afgevuur voordat die verdagtes by Marlboroweg beheer oor die motor verloor en teen ’n muur gebots het.
Die verdagtes het almal uit die motor gespring en ’n skietery het uitgebreek.
Drie van die verdagtes is in die proses noodlottig gewond. ’n Vierde verdagte is op die toneel in hegtenis geneem.
Daar is ook beslag gelê op drie ongelisensieerde vuurwapens, ammunisie en ’n blou LED-flitslig.
Daar kon intussen vasgestel word dat die verdagtes se Ford Figo vroeër vandeesmaand in Bramley gekaap is.
Ek hoop daar is meer gevalle waar booswigte aan die pen ry. Nie net enkele gevalle Waarmee hulle spog nie
Bring terug die doodstraf. Die mense sal nie ophou met die soort nonsens nie todat hulle sien die misdaad is nie die moete werd nie. ENIGE MISDAAD!
Wie dink jy, wie gaan eerste gehang word?????? Defnitief nie Kaders nie.
Marcello, hou tog op met die deuntjie. Julle praat agter mekaar aan.
Mooi so dit is al taal wat hulle verstaan.
Dis mooi dis die rede hoekom niemand wil stop vir ‘n blou lig nie. Goed gedoen SAP doen dit meer dikwels sodat mense julle weer kan respekteer
Nie seker ek gaan ween oor die rowers nie, ek dink dit is maar die enigste oplossing tot die probleem. Verwyder die probleem.
Mooi as daar nog blou lig skelms is moet hulle ook uitgewis word.