Polisie waarsku teen kitsbank-slenter

Argieffoto

Argieffoto

Speurders van die Suid-Afrikaanse polisiediens het die publiek bedag gemaak op ʼn slenter wat daartoe lei dat kontant uit gebruikers se bankrekeninge gesteel word.

Sers. Mmako Mophiring, woordvoerder van die polisie, het gesê dié bedrog vind plaas deur die skandering van kaartkodes by kitsbanke.

“Daar is glo vier sake aangemeld waar kontant vanuit niksvermoedende gebruikers se rekeninge onttrek is ná hulle hulp van vreemdelinge by kitsbanke aanvaar het,” het Mophiring gesê.

Die mense het glo eers agtergekom dat daar geld uit hulle rekeninge onttrek is toe hulle ʼn SMS van hulle onderskeie banke ontvang het.

“Wees dus versigtig en aanvaar of vra net hulp van sekuriteitsbeamptes of ander beamptes wat wel in diens van die bank is,” het Mophiring gesê.

Mophiring het mense gemaan om versigtig te wees vir vreemdelinge wat hulp aanbied by kitsbanke en liewer hulp van die hand te wys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Bets Bothma

Ek hanteer ons banksake, Internet Banking, vanuit my kantoor – alle voorsorg is getref. Ons het 1 rek nommer ny ABSA waarmee ek ingaan op Internet Banking en al die ander rekeninge /verbande/kredietkaarte is aan die nommer gekoppel. 4/3/17 het my selfoon probleme begin gee, No Network, kon nie bel of smse stuur of ontvang nie. 6/3/17 selfoon ingeneem en n simswop gedoen en toe sommer kontrak hernu. Moes 12 ure wag vir opgradering&simswop om te aktiveer. 7/3/17 toe ek betalings wou maak, is R68000 uit n access verband intern oorgeplaas na die spaarrek en daarvandaan na omtrent 15 verskillende… Lees meer »

Hendrik

Ai mense, hoeveel maal moet dit nog gesê word?

MOENIE ….. HULP…. VAN…. VREEMDES… BY … KITSBANKE …. AANVAAR … NIE..

Lees asb dit stadig 2 maal, en onthou dit as jy by n kitsbank is.

Kanselleer die transaksie waarmee jy besig is onmiddelik as jy onveilig of ongemaklik voel..

Annakapat

Ai, Hendrik … wil niemand luister nie!

Elsa

As polisie bewus is van die kitsbankbedrog, waarom word daar nie opgetree en alarmknoppies en sekuriteitskameras aangebring by elke kitsbank nie?..hoe koeilik kan dit dan wees, ai doen net iets om kliente te beskerm, ons betaal reeds baie kostes

Randie

Bets, daardie klink na interne werk by die Bank dalk… hoe anders het die persoon nuwe begunstigdes geskep sonder om per sms n OTP te kry? Genade sterkte. Volg op en moenie dat hulle daarmee wegkom nie.