Argieffoto (Foto: SAPD/Facebook)
Die onafhanklike polisie‑ondersoekdirektoraat (Opod) ondersoek ʼn saak van ontvoering en moord wat verlede maand teen ʼn polisiebeampte van die Mariannhill-polisiestasie in KwaZulu-Natal aanhangig gemaak is.
Lizzy Suping, woordvoerder van Opod, sê die betrokke sersant is op 8 September in hegtenis geneem nadat hy glo ʼn verdagte in Dassenhoek, Mariannhill, ontvoer en daarna vermoor het.
“Opod se ondersoek het tot die ontdekking van die oorledene se liggaam gelei. Die liggaam is onder ʼn stormwaterpyp naby Camperdown-nedersetting gevind,” sê Suping.
Opod is deur die KwaZulu-Natalse polisie se soek-en-reddingseenheid, honde-eenheid en nasionale intervensie-eenheid bygestaan.
“Die verdagte wat dood is, is na bewering op 21 Augustus deur die beskuldigde vir ondervraging ingeneem en het nooit teruggekeer huis toe nie.”
Die beskuldigde word by die Pinetown-polisieselle aangehou en sal na verwagting Maandag in die Pinetown-landdroshof verskyn.
Opod se ondersoek gaan voort met die moontlikheid van nog inhegtenisnemings.
Die beweerde moord het eers op 21 Augustus plaasgevind, maar die sersant is reeds op 8 Augustus in hegtenis geneem?
Maroela, dalk moet julle die datums bevestig.
Dagsê Gawie
Ons vra om verskoning vir die verwarring. Die twee datums was omgeruil.
Die artikel is reeds gewysig.
Dankie! Groetnis
Megan nms Maroela Media
Hi Megan
Dankie vir die terugvoer. Ek dink julle het nou julle datums heeltemal deurmekaar – volgens ander nuusblaaie het die beweerde misdaad op 21 Agustus plaasgevind, en die sersant is op 8 Septemberin hegtenis geneem (nie 8 Augustus nie).
Dagsê Gawie
Die datums is nou gewysig.
Dankie! Groetnis
Megan nms Maroela Media
Dis nou die mense wat ons veronderstel is om te vertrou! Dankie cele!
Laat ons maar nie uitbrei oor mag in die hande van swak opgeleide en minder intelligente lede nie en die hopelose Cele en Ramaphosa besef nog steeds nie in watter groot moeilikheid die land se polisiemag en weermag is nie.
Polisie is net korup. Fire eerder die hele lot
Nou toe nou waarvoor was die polisieman bang om so ver te gaan.Dit wys jou weereens wetteloosheid in die orde van die dag.Wie moet ons vertrou mr hoed.