Polisieman vas vir korrupsie

(Argieffoto: SA Polisie)

’n Wes-Kaapse polisiebeampte is in hegtenis geneem nadat hy ingestem het om ’n selfoon en dagga na ’n gevangene in die polisieselle te neem in ruil vir kontant – min wetend dat dit deel was van ’n operasie deur die polisie se teenkorrupsie-eenheid.

Kapt. FC van Wyk, woordvoerder van die polisie, sê ’n agent het die polisiebeampte, verbonde aan die Bellville-Suid-polisiestasie, Vrydagaand genader en gevra om die selfoon en dagga na ’n gevangene in die selle te neem. Die polisiebeampte het ingestem en R300 vir sy dienste ontvang.

Die polisiebeampte is later in die besit van die selfoon, dagga en kontant in hegtenis geneem.

Hy sal na verwagting Maandag in die plaaslike hof verskyn op aanklag van korrupsie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Mudguard

Nog een? Dan is daar nog net twee eerlike poliesmanne oor !!!

Axel

My base wat Chinese is besit die Bramley SAPS!!!!!!

Persheks Adri

Cele se trots die klomp in uniform pffft. Gooi jou naam weg vir R300 so nie die moeite werd nie! Is daar nog enige uniforms wat nie betrokke is by korrupsie nie joh?

Regverdigheid

Dan verwag jul mense moet wet gehoorsaam , as polisie ook nie eers meer vertrou kan word.