(Argieffoto: SA Polisie)
’n Wes-Kaapse polisiebeampte is in hegtenis geneem nadat hy ingestem het om ’n selfoon en dagga na ’n gevangene in die polisieselle te neem in ruil vir kontant – min wetend dat dit deel was van ’n operasie deur die polisie se teenkorrupsie-eenheid.
Kapt. FC van Wyk, woordvoerder van die polisie, sê ’n agent het die polisiebeampte, verbonde aan die Bellville-Suid-polisiestasie, Vrydagaand genader en gevra om die selfoon en dagga na ’n gevangene in die selle te neem. Die polisiebeampte het ingestem en R300 vir sy dienste ontvang.
Die polisiebeampte is later in die besit van die selfoon, dagga en kontant in hegtenis geneem.
Hy sal na verwagting Maandag in die plaaslike hof verskyn op aanklag van korrupsie.
Nog een? Dan is daar nog net twee eerlike poliesmanne oor !!!
My base wat Chinese is besit die Bramley SAPS!!!!!!
Ek glo jou!!!
Cele se trots die klomp in uniform pffft. Gooi jou naam weg vir R300 so nie die moeite werd nie! Is daar nog enige uniforms wat nie betrokke is by korrupsie nie joh?
Dan verwag jul mense moet wet gehoorsaam , as polisie ook nie eers meer vertrou kan word.