Pravin Gordhan weer aangestel as minister van finansies

Pravin Gordhan is Sondag weer aangestel as minister van finansies.

Pravin Gordhan is Sondag weer aangestel as minister van finansies.

Pravin Gordhan is Sondagaand weer as die minister van finansies aangestel.

Pres. Jacob Zuma het in ‘n verklaring aangekondig dat hy ná talle voorleggings besluit het om die aanstelling van David van Rooyen as minister van finansies te herroep. Van Rooyen sal by Gordhan oorneem as die minister van samewerkende regering en tradisionele sake.

Gordhan het vanaf 2009 tot 2014 as minister van finansies gedien.

Zuma het wyd kritiek ontlok nadat hy Woensdag die minister van finansies, Nhlanhla Nene, in die pad gesteek het. Verskeie politieke partye en instansies het hul menings uitgespreek oor die redes vir Zuma se besluit met sommige wat dit as Zuma se grootste fout nog tydens sy presidentskap beskryf het.

Nadat Nene in die pad gesteek is, het die rand afwaarts getuimel totdat dit Vrydag ʼn rekordlaagtepunt van R16 teen die Amerikaanse dollar gehaal het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
AmY

Wat help dit nou? Die skade is klaar gedoen en dis baie groot.

Gerhardt

Wonderlike nuus! Ek kan nie glo dat die President enigsins geluister het nie. Daar is hulp van Bo!.

Langtand

Besin voor jy begin, Jacob!
Die skade is gedoen en Jacob staan beskaamd!!

Albert

Gerhardt, dit is te laat. Die Presidensie het toegegee aan die burgers se vereistes, nie omdat hul soseer omgee nie, maar bloot om die president te beskerm. n Regering wat reaktief is om hul eie belang te koester, is nie voldoende nie, dis juis n teken van swak leierskap. Hierdie optrede is meer kommerwekkend, en meermaals n aansporing vir die lot om Zuma te laat gaan.

Leendert van Oostrum

Soos Mnr Zuma sou sê:

“He…….he…….he……”