Die minister van omgewingsake, bosbou en visserye het die werk van prof. Bob Scholes, een van die wêreld se voorste wetenskaplikes oor klimaatsverandering, vir sy ongelooflike bydrae geloof.
Scholes is Woensdag ná ʼn staptog in Namibië dood.
“Die bydrae wat prof. Scholes tot die werk van die departement in die veld van klimaatsverandering en biodiversiteit gelewer het, was onmeetbaar. Sy ontydige dood is ʼn skok vir ons almal,” het min. Barbara Creecy in ʼn verklaring gesê.
Scholes, ʼn bekroonde wetenskaplike en wêreldleier op die gebied van klimaatsverandering, het onder andere die departement se Stand van die Omgewing-verslae gelei en was ʼn gereelde leier op die gebied van beleidsontwikkeling oor die land se gebruik van natuurlike hulpbronne.
We are saddened by the passing of Prof Bob Scholes, systems ecologist at @WitsUniversity, Director of @GCITweet, and #TEDxJoburg speaker. In his own words: “You don’t have to own the land to love it.” RIP Bob, thank you for the work – https://t.co/vVabSWadnp pic.twitter.com/2DegLQoUiB
— TEDxJohannesburg (@TEDxJoburg) April 30, 2021
Hy was ook ʼn kampvegter vir groen energie en ʼn verbetering in die doeltreffendheid van koolstofgebaseerde energie as ʼn manier om die land se koolstofvoetspoor te verklein.
Benewens dié van die minister, het tientalle ander huldeblyke ná Scholes se dood ingestroom.
Die Universiteit van die Witwatersrand (Wits) het ook sy skok en hartseer oor die skielike groot verlies te kenne gegee en Scholes beskryf as ʼn reus in die veld van klimaatwetenskap – nie net in Suid-Afrika nie, maar wêreldwyd.
In a lovely thread about Bob Scholes, this especially made me pause. #rolemodels #research #policy https://t.co/TOQsEliI4U
— Dr Priscilla Wehi (@CillaWehi) April 30, 2021
“Dit is ʼn hartseer, hartseer dag vir Wits. Bob is onvervangbaar,” lui ʼn verklaring van die universiteit.
Scholes was ʼn professor in stelselekologie by Wits en het ook gedien as die direkteur van die Global Change Initiative. Volgens die universiteit was hy onder die top 1% van omgewingswetenskaplikes wêreldwyd.
“Prof. Scholes was ʼn ware leier, ʼn nougesette en toegewyde wetenskaplike en ʼn leermeester vir almal.”
Scholes word oorleef deur sy vrou, prof. Mary Scholes, en seun, Stirling.
Today South Africa lost one of its very finest and most globally recognised scientists. Many of us lost a great friend. He was a curious mix of profound intellect, immense knowledge and gentle arrogance. I salute Bob Scholes whose passing leaves us so much poorer. pic.twitter.com/13eTNgjjKi
— Morné du Plessis (@plessis_morne) April 29, 2021
Dit is baie hartseer, ons verloor soveel kundigheid agv regeringbeleid, maar by die afsterwe van so formidabele persoon is die wêreld armer agv sy voortydige afsterwe rakende sy kundigheid.
RIV prof Scholes, innige simpatie aan u geliefdes.
‘n Pseudo-wetenskaplike!
Prof. Scholes was telkens in die media aangehaal oor (mensgemaakte) klimaatsverandering, wat strydig is met die wette van Fisika en Chemie, asook Geologie en die opgetekende Geskiedenis. Die teorie van aardverwarming, wat geriefshalwe verander is na klimaatsverandering, is opgestel sonder kennis van bogenoemde vakgebiede. Skaars 200 jaar gelede was ons nog in die Klein Ystyd. Daarna was daar ‘n normale sikliese verwarming terug na normale toestande. Dis net toevallig dat atmosferiese CO2 toe ook gestyg het. Die afkoel-periode van 1938-1977 val saam met stygende CO2, daar is dus geen korrelasie tussen CO2 en temperature nie. Enigiemand wat die vals teorie van kweekhuisgasse en aardverwarming propageer is myns insiens ‘n pseudowetenskaplike.