PTA-spogskool van segregasie beskuldig

Curro Roodeplaat. Foto: Curro.co.za

Curro Roodeplaat. Foto: Curro.co.za

ʼn Privaatskool in Pretoria word daarvan beskuldig dat klasse aan leerlinge toegeken word op grond van hul ras, het Eyewitness News Donderdag berig.

Byna 30 ouers by die skool het na bewering ʼn petisie onderteken om ʼn verduideliking te eis van die Curro Roodeplaat Privaatskool in Pretoria. Die ouers dring daarop aan dat die skool in ooreenstemming met die land se Grondwet optree.

André Pollard, streeksbestuurder van Curro Holdings, het ontken dat die skool leerlinge skei op grond van hul ras. “Dit is nie omdat ons die wittes wil skei nie, dit gaan oor vriendskappe. Kinders kan vriende maak met kinders van hul kultuur,” het hy aan die uitsaaier gesê.

Ouers wou glo weet hoekom sommige klasse net uit swart kinders bestaan, terwyl die wit leerlinge bymekaar gehou word.

Pollard het gesê die aantal wit leerlinge by die skool was baie min en daarom probeer die skool om hulle saam te plaas.

“Sodra daar 12 of meer wit leerlinge is, word hulle verdeel en gelykop in ander klasse geplaas,” het Pollard verduidelik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
zahn

En as ons wil aansoek doen om te studeer, selfs by Stellenbosch, word ons kinders ook uitgegooi op grond van ras. Wat is die verskil? Sodra blankes iets saam wil doen, is dit rassisme. Maar as die swartes iets wil saam doen, is dit kaltjah.

BullsEye

Stem 100% saam

Knersus

Ek sukkel om te glo dat mense segregasie in alles sal wil soek!! Alle enkel medium skole (lees AFRIKAANS) bars flink uit hulle nate omdat daar nog waardes en disipline is – selfs swart ouers wat nie privaat onderrig kan bekostig nie. En kinders word in kultuur verband gegroepeer omdat dit sinergisties is – ons wil mos nie ‘n Jihaad ontketen in Gr 4 nie!

SUE DICKS

Iewers is daar n groot misverstand twee van my kleinkinders is by Curro
daardie kinders is almal die welopgevoedse oordentlikste kinders uit baie goeie ouer huise
maak nie saak watter ras of kleur nie. Inteendeel is my kleinkind bevriend met n swart leerling
en het hulle die grootste respek vir mekaar
maak seker van julle feite

Lana Smit

Spot on! !!