R2 miljoen se gesteelde geld teruggevind

Foto verskaf deur SAPD Limpopo

Twee verdagtes, onderskeidelik 30 en 40 jaar oud, is Woensdagaand naby Louis Trichardt in Limpopo in hegtenis geneem en polisiebeamptes het beslag gelê op R2,6 miljoen kontant.

Brig. Motlafela Mojapelo, woordvoerder van die polisie, het gesê die eerste verdagte is by Ravele Riverside (Tshilwavhisikhu) in hegtenis geneem en sy vermeende medepligtige is later by Elim Mabedengwa (Watervaal) aangekeer.

Mojapelo het gesê die inhegtenisnemings volg ná inligting ontvang is oor ʼn bedrag kontant wat van die Cash-in-Transit Company in Louis Trichardt gesteel is. “Die operasie het gistermiddag begin en het deur die nag tot vanoggend voortgeduur. Polisiebeamptes het op drie verskillende persele gesoek en uiteindelik op die kontant afgekom. Van die kontant is in roomysbakke en swartsakke versteek.”

Die verdagtes, wat vir CIT werk, was verantwoordelik daarvoor om die kontant van verskeie plekke in te samel en in plaas daarvan om dit te deponeer, het hulle die geld gesteel, het Mojapelo bygevoeg. “Een van die verdagtes het reeds ʼn dubbelkajuitbakkie aangeskaf. Dié voertuig is ook gekonfiskeer.”

Die verdagtes sal binnekort in die landdroshof in Louis Trichardt verskyn op aanklag van diefstal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Karolis ·

Fantastiese goeie nuus.
Wonderlik dat inligting vorendag kom oor kriminele.

ne ·

Nou is die roomysie dalk vir lank verby. Dankie tog dat hulle vasgetrek is. Nou moet ons regters net wakker wees, en geregtigheid laat geskied. Ons wil hulle nie gou weer op straat sien nie!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.