Regter aangekla oor swart mans se ‘verkragtingskultuur’

Die gesprek wat Gillian Schutte gedeel het.

Die gesprek wat Gillian Schutte gedeel het.

Klagte word glo ingedien teen ʼn Pretoriase regter in die hooggeregshof, Mabel Jansen, by die Regterlike Dienskommisie (RDK) en Menseregtekommissie (MRK), weens ʼn beweerde rassistiese uitlating oor swart mans se “kultuur” van verkragting.

Glynnis Breytenbach, DA-LP en voormalige aanklaer van die nasionale vervolgingsgesag (NVG), het gesê die DA gaan die voorval na die RDK verwys om te bepaal of dit nodig is om ondersoek in te stel na Jansen se uitlatings op sosiale media.

“Gegewe die ernstige graad van die klagte, is dit belangrik vir die komitee om al die feite daaroor te kry en te verstaan dat regter Jansen teen haar eed as regter opgetree het,” het Breytenbach gesê. “Ons vra ook dat die MRK sy eie ondersoek oor die saak doen.”

Breytenbach verwys na ʼn herrie wat op 7 Mei op sosiale media losgebars het nadat ʼn private gesprek in 2015 tussen Jansen en Gillian Schutte, ʼn joernalis en aktivis, aan die lig gekom het. Schutte het die gesprek, waarin Jansen haar mening verduidelik oor swart Suid-Afrikaanse mans se beweerde kultuur van verkragting, openbaar gemaak.

Mabel Jansen. Foto: Twitter

Mabel Jansen. Foto: Twitter

Schutte het skermskote geplaas waarin Jansen glo skryf: “In hul kultuur is ʼn vrou daar om aan hulle genot te verskaf. Punt. Dit [seks] word beskou as ʼn absolute reg en ʼn vrou se toestemming is nie nodig nie.” Sy het ook geskryf: “Ek moet nog ʼn swart meisie ontmoet wat nog nie teen twaalfjarige ouderdom verkrag is nie. Ek is doodernstig.” Schutte het ook ʼn skakel gedeel waarin Jansen glo soortgelyke uitlatings op ʼn openbare forum gemaak het.

Volgens Schutte is dit nie die eerste keer wat sy probeer het om Jansen se uitlatings openbaar te maak nie. Sy het dit reeds in Junie 2015 by die RDK aangemeld, maar daar het klaarblyklik niks daarvan gekom nie.

Jansen het op 8 Mei op haar Twitter-rekening reageer deur te twiet: “Wat ek vertroulik aan iemand gesê het, is heeltemal buite konteks geneem en verwys spesifiek na hofsake.”

Gillian Schutte. Foto: Facebook

Gillian Schutte. Foto: Facebook

Breytenbach het gesê die regter se kommentaar, dat verkragting deel is van swart kultuur, is nie net kwetsend en vernederend nie, maar ondermyn die waardigheid van landsburgers en is sodoende teen die grondwet.

Sy het gesê Jansen se kommentaar is ook teenstrydig met die Regterlike Gedragskode, wat bepaal ʼn regter moet hom of haar te alle tye “persoonlik distansieer of weerhou van kommentaar of gedrag wat rassisties of seksisties is.”

#MabelJansen was Maandag die gewildste onderwerp op Twitter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Marius

Sosiale media kan help om professionele selfmoord te pleeg, veral as jy dink jy het vriende, of jy het tred verloor met wie intussen jou vyand geword het. Nou al vir vier jaar sonder Facebook. Dit nog nooit gemis nie.

andre barnard

Hoekom wys Schutte nie haar deel van die gesprek nie. Lyk my sy het ‘n verskuilde agenda.

henk

Het nog nooi facebook hehad nie en sal dit nooit kry nie.
Dit is ‘n euwel.

Dirk T

Het vir jare met tieners gewerk. Die regter se uitlatings is deel van wat ek ondervind het. Sy het egter die fout gemaak om ‘n gedragskode te verbreek. Indien enige navorsing gedoen word in die geval wat die regter noem en syfers vasgestel word, kan ‘n taamlike goeie aanduiding gekry word oor die werklike stand van sake.

My opinie

Dit klink vir my asof regter Jansen doelbewus genader is om haar persoonlike opinie te gee in ‘n persoonlike gesprek met iemand wie sy kennelik vertrou het sodat dit teen haar gebruik kan word. Gillian Schutte erken dat sy reeds in 2015 ‘n klag teen regter Jansen by die DRK wou lê. Hoekom word daar nie eerder vir die wérklike slagoffers van seksuele misdade in die bres getree nie? Wat word van hulle regte? Hulle loop met lewenslange geestelike en emosionele letsels terwyl die oortreder aangaan met sy lewe. Kyk na die hof statistieke en bring dit in konteks met… Lees meer »