Rhodes-standbeeld vir eers verwyder

Foto: UCT/Facebook

Foto: UCT/Facebook

Die raad van die Universiteit van Kaapstad het laat Woensdagaand aangekondig dat die standbeeld van Cecil John Rhodes vir eers van die kampus verwyder gaan word.

“Die raad het eenparig besluit om die Cecil John Rhodes-standbeeld van sy huidige posisie op die bo-kampus te skuif,” het Njongonkulu Ndugane, voorsitter van die raad, gesê. “Die universiteit sal nou ʼn aansoek by Erfenis Wes-Kaap (EWK) indien sodat hulle die finale besluit kan neem.”

Ndugane het gesê die standbeeld sal tydelik van die kampus verwyder word om dit veilig te bewaar tot die EWK hul besluit geneem het. Die besluit deur die universiteitsraad kom nadat ʼn groep studente die afgelope maand betoog het vir die verwydering van die standbeeld. “Dit is presies hoe ʼn universiteit moet werk. Die universiteit kan nou ʼn voorbeeld wees vir die res van die land oor hoe om die kwessie van erfenis te hanteer,” Ndugane gesê.

“Dit dui op ʼn nuwe lewe vir die universiteit. As ʼn universiteit moet ons na die toekoms kyk om te sien hoe om dit te verbeter,” het dr. Max Price, visekanselier van die universiteit, gesê.

Ramabina Mahapa, president van die studenteraad, het gesê dit is lekker om te sien dat hul harde werk vorm neem. “Dit is net die begin. Die standbeeld sal om 17:00 Donderdagmiddag geskuif word. Ons harde werk werp nou vrugte af.”

Rhodes was ’n Britse kolonialis, sakeman, mynmagnaat en politikus in Suid-Afrika. Rhodesië (nou bekend as Zimbabwe) is na hom vernoem. Die Rhodes-Universiteit in Grahamstad is ook na hom vernoem en die Rhodes-studiebeurs word uit sy boedel gefinansier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Theresa

“Vir eers verwyder”. Wat ‘n groot grap. Dit is vir altyd verwyder. So kry hulle maar elke keer hulle sin en word daar na hulle pype gedans.
Waar het jy gesien ‘n ding soos Mogabe kan sy mond kom rek oor diè standbeeld en Zuma staan en lag asof dit die grap van die jaar is. Idiote loop saam met idiote.
Die wiel gaan nog draai – gee maar kans!!

Linda

Ek sal die geld kraantjie ook verwyder. As die standbeeld van Rhodes nie goed genoeg is nie dan sou ek dink sy geld is ook nie genoeg nie. As ek dit nie mis het nie was die grond waarop die universiteit gebou is ook deur Rhodes destyds geskenk?

Kerrie Vlamskiet Briekstreep

Skuif sommer die beurs saam die beeld terug na London toe…die land is in die toestand agv die vrymesselaars.
Jan van Riebeeck was ook n vrymesselaar nes Rhodes…hier om SA se grondstof en mineraal regte te verkry.Mandela het daai mineraal-regte verruil vir n biljoen rand se presidentskap..ou Rolihlahla was ook n Vrymesselaar.

Ella Nell

As hulle die standbeeld verwyder, het hulle ook nie die Universiteit nodig nie, want ons het dit gebou! Vee die Universiteit plat met stootskrapers sodat hulle dan maar hulle eie plekke kan bou!!

Weskaper

Stem 100%, sy geld vir enige beurs en sy grond moet ook verskuif of terug geeis word