‘n Skermskoot uit die video wat Demi Lee Moore gedeel het.
As deelnemer aan die werklikheidsreeks Die Kontrak het sy vinnig in duisende kykers se harte gekruip en vir hul weergawe van die Don Williams-treffer “Amanda” het sy en Steve Hofmeyr diep in mekaar se oë gekyk.
Maar die gewilde Afrikaanse sangeres Demi Lee Moore het net oë vir een man: Barthlo Visagie – veral nadat hy Saterdagaand op een knie gesak en die stralende blondekop om haar hand gevra het.
“Jy het my hele hart oorwin, met jou gawe natuur, jou sagte menswees en jou oorvloed van liefde vir my. Ek is onbeskryflik lief vir jou my engel,” het Moore ná hulle verlowing op Facebook geskryf.
“Gister was die beste dag van my lewe, ek kan nie wag om met jou te trou nie.”
In ʼn video wat Moore op sosiale media gedeel het, kan gesien word hoe Visagie, ʼn beroepsmusikant, ʼn kaalvoet Moore by haar 31ste verjaarsdagviering in Melkbosstrand vra om te trou terwyl hulle luidkeels toegejuig word.
Visagie haal ʼn piepklein boksie uit, wys die ring vir ʼn oorstelpte Moore waarna sy ook op haar knieë afsak en hom omhels.
Demi Lee Moore en haar geliefde, Barthlo Visagie.
Moore het verlede jaar aan Maroela Media gesê dat sy ʼn huis in Pretoria gekoop het en dat sy en Visagie die Kaap vir Gauteng verruil.
Die titelsnit van haar eerste album, “Mis, eet, slaap, herhaal” het bykans oornag ʼn treffer geword en daar was sedertdien geen keer aan Moore se sukses nie.
Tientalle boodskappe van gelukwense het reeds ingestroom.
Baie geluk
Baie geluk mag julle goeie gesondheid geniet in al die jare wat julle beskore is
Baie geluk
Bje geluk
Baie geluk julle baie geluk.
My suster se dogter se vriend het Saterdagaand voor ‘n hele klomp mense ook die jawoord gevra. dit is was sussie se doggie se verjaarsdag ook dis net te pragtig. Baie geluk almal van julle.
baie geluk!!