Huldeblyke stroom in vir die Suid-Afrikaanse krieketskeidsregter wat gister in ’n motorongeluk naby Stilbaai gesterf het.
Die 73-jarige Koertzen was een van die heel beste skeidsregters op die wêreldverhoog en hy het uiteindelik in meer as 300 internasionale wedstryde diens gedoen.
Nodeloos om te sê was hy ’n gerespekteerde en geliefde figuur onder krieketspelers, terwyl die stadige en presiese manier waarop hy kolwers kon uitgee omtrent kultusstatus geniet het.
RIP Rudi Koertzen, the slow finger of doom. Some of the best umpiring aesthetics I’ve seen pic.twitter.com/XAqTSfDqS0
— Tom Carpenter (@Carpo34) August 9, 2022
Volgens die Australiese paaltjiewagter Adam Gilchrist was Koertzen teenwoordig in twee van die grootste wedstryde van sy loopbaan – toe hy ’n toetshonderdtal vanaf slegs 57 aflewerings teen Engeland in Perth gemoker het en toe hy uit sy eie die pad na die kleedkamer teen Sri Lanka in 2003 aangepak het.
“Hy is ’n ikoniese figuur, een van die groot skeidsregters en ’n wonderlike vriend,” het Gilchrist getwiet.
Virender Sehwag, Indië se aggressiewe openingskolwer, was een van die spelers met wie Koertzen ’n spesiale verhouding geniet het.
“Elke keer wanneer ek ’n wilde hou gespeel het, het hy met my geraas en gesê dat ek moet ophou; hy wil sien hoe ek kolf. Hy was ’n ware heer, ’n ongelooflike mens en ons gaan hom baie mis.”
Van Koertzen se sterk punte as skeidsregter was sy eerlikheid oor sy foute. Hy het terselfdertyd ook nie geskroom om jammer te sê as hy ’n kolwer verkeerdelik uitgegee het nie.
In 2007 was Sri Lanka se Kumar Sangakkara goed op koers na die sewende dubbelhonderdtal van sy loopbaan teen Australië. Maar met sy telling op 192 het hy ’n trekhou van Stuart Clark se boulwerk gemis en die bal het sy skouer en helm getref voordat Ricky Ponting dit in die glippe gevang het.
Koertzen het hom uitgegee, maar het ná die wedstryd persoonlik om verskoning gevra.
Sangakkara was gister een van die heel eerste spelers om hulde aan die Suid-Afrikaner te bring.
Saddened at the tragic loss of Rudi Koertzen. What a wonderful friend and umpire. Honest, forthright and loved the game. Shared many a beer at the bar talking cricket with him. RIP my friend.
— Kumar Sangakkara (@KumarSanga2) August 9, 2022
Volgens Marais Erasmus is Koertzen ’n formidabele figuur wat die pad makliker vir ander plaaslike skeidsregters na die internasionale verhoog gemaak het.
“Hy het almal laat glo dat dit moontlik is. Hy is ’n ware legende en as ’n jong skeidsregter het ek baie van hom geleer,” het Erasmus gesê.
Jacques Kallis het Koertzen ook as ’n ware heer bestempel.
“Rus in vrede, oom Rudi,” het die veelsydige ster getwiet.
- Meeste wedstryde as ’n skeidsregter:
- Aleem Dar (Pakistan): 420 wedstryde
- Rudi Koertzen (Suid-Afrika): 331 wedstryde
- Steve Bucknor (Wes-Indiese Eilande): 309 wedstryde
- Billy Bowden (Nieu-Seeland): 308 wedstryde
- Simon Taufel (Australië): 282 wedstryde.
Such sad news hearing the passing of umpire Rudi Koertzen. One of the gentlemen of the sport ???? RIP Oom Rudi.
— Jacques Kallis (@jacqueskallis75) August 9, 2022
Tragic news of the sudden passing away of Rudi Koertzen. He was a gifted individual and one of the finest umpires the game has witnessed, known for his sharp decision making abilities.
My deepest condolences to his family and well wishers ???????? #RudiKoertzen pic.twitter.com/9mV1V09F7a
— Yuvraj Singh (@YUVSTRONG12) August 9, 2022
Extremely saddened by the news of the tragic passing of Rudi Koertzen. My deepest sympathy goes out to his family and friends. He was a great umpire and a better person. I always enjoyed sharing the field with him.
— Ricky Ponting AO (@RickyPonting) August 10, 2022
R.i.v oom Rudi.Jammer dat my seun op dit afgekom het.Hyself n groot Coertzen fan
Hy was ‘n uitstekende krieket skeidsregter. Ek het dit so geniet wanneer hy op die veld was en sy beslissings was uit die boonste rakke. RIV oom Rudi.