Die Suid-Afrikaanse aktrise en model Charlbi Dean Kriek is op die ouderdom van 32 jaar oorlede.
Kriek, wat onder meer bekend was vir haar rol in die Spud-rolprente, is Maandag aan ʼn “onverwagse siekte” oorlede, het haar verteenwoordiger gesê.
Die Hollywood-publikasie Deadline berig dat Kriek in New York oorlede is. Geen verdere besonderhede is verskaf oor die siekte wat haar dood veroorsaak het nie.
Kriek verskyn saam met Woody Harrelson en Harris Dickinson in die rolprent Triangle of Sadness wat binnekort vrygestel word en wat by vanjaar se Cannes-rolprentfees vereer is.
Kriek is op 5 Februarie 1990 in Kaapstad gebore en is ook bekend vir haar rol in die reeks Black Lightning.
Sy het ook in Don’t Sleep (2017) en Blood in the Water (2016) verskyn.
Kriek het vroeër vanjaar verloof geraak aan Luke Volker, ʼn Suid-Afrikaanse model.
Sy was so jonk en pragtig. Baie hartseer.
Onverwagte siekte en in vorige berig van n ander jong persoon onbekende oorsake? Klink bietjie verdag.
Nog nooit van haar gehoor nie.
Dan het jy seker nie die Spud rolprente gekyk nie?
Ek ook nie
RIV pragtige mensie en sterkte aan familie en vriende.
RIV mooi mens.
RIV…maar ‘n oorsese web blad het berig sy is in ‘n motorongeluk oorlede??
Daardie inligting was foutief.
Geen maar geen idee wie die “bekende ” aktrise is of was nie. Nog nooit van haar gehoor nie.
Geen siekte word verwag nie….tragies.RIV .
Tragies
So julle is gemuilband oor die inentings?
Rus sag mooie dame….