SA op rand van rommelstatus

Argieffoto

Argieffoto

ʼn Ekonoom het gewaarsku Suid-Afrika is op die rand van rommelstatus nadat die kredietgraderingsagentskap Standard & Poor’s (S&P) Suid-Afrika se buitelandse valutakredietgradering van stabiel na negatief hersien het.

S&P het Suid-Afrika se buitelandse valutakredietgradering verlaag na ʼn gradering van BBB. Peter Attard Montalto, ’n senior ekonoom en strateeg van die beleggingsgroep Nomura International, het gesê hulle glo ʼn gradering na rommelstatus is steeds op pad.

Hy het bygevoeg Nomura voorsien groeirisiko’s aan die negatiewe kant en ‘n gebrek aan politieke ruimte vir strukturele hervormings, sowel as ‘n beter fiskale prentjie wat op die korttermyn uiteindelik teen politieke beperkings in die mediumtermyn te staan gaan kom.

“Vir beide strukturele en fiskale hervormings is daar ‘n behoefte aan hervorming en konsolidasie op die hoogste vlakke van die regering en die ANC. Hierdie mense verstaan die risiko van afgraderings en sub-beleggingsgrade.

“Maar ons glo nie hulle verstaan (selfs na vandag) die behoefte aan tydige, dringende prioritisering van konsolidasie en hervorming nie. Politieke balansering en huuronttrekking is net te belangrik vir die oomblik. ‘n Massiewe binnelandse risikoskok en gepaardgaande markskok sal nodig wees om dit te verander. Dit sal waarskynlik net kom met ‘n afgradering na rommelstatus. Beleidmakers sal nie voor dan verander nie. Daarom glo ons Suid-Afrika is op pad na die rommelafgrond,” het Montalto gesê.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Thuunda

En so broei die perfekte storm vir 2016 voort terwyl die ANC en sy kiesers partytjie hou. Ons het die studentebetogings vroeg in 2016, die droogte, die verkiesings, die kos-tekort, die krediet afgraderings, die massa afleggings, die doodbloei van die myne, die Feds wat die rentekoerse binnekort gaan begin opsit en die Rand wat dan nog verder sy agterent sal sien, die regering wat besig is om geld te hardloop en vinnig ook, en so aan, alles vir 2016. Ek dink so ‘n perfekte storm is dalk die laaste kan vir mense om wakker te word uit hulle slaap. Dalk… Lees meer »

Jan maak n Plan

Hartlik baie dankie aan die ANC regering en sy broers.

GES

Goeie raad vir jan-alleman is om eiendom of goue munte te koop. Dit is nie die beste belegging nie maar moet eerder beskou word as versekering teen finansiële markte ineenstorting.

Rupert Ashford

GFC 2 is ook oppad. Hierdie gaan meer lande as “net” RSA tref, maar tesame met die politieke plofbaarheid kan die gevolge in SA dalk baie lelik wees.

ANDRÉ

…en die afdraande duur voort.