SA voor Strafhof gedaag

Internasionale Strafhof in Den Haag. Foto: Asser Institute.

Suid-Afrikaanse verteenwoordigers moet volgende Vrydag in die Internasionale Strafhof in Den Haag, Nederland, verskyn.

Dit is in verband met die regering se versuim om Omar al-Bashir, president van die Soedan, in hegtenis te neem toe hy die Afrika-unie se beraad in Junie 2015 in Johannesburg bygewoon het.

ʼn Lasbrief is deur die Strafhof uitgereik vir Al-Bashir se inhegtenisneming. Al-Bashir word van oorlogsmisdade, misdade teen die mensdom en volksmoord aangekla.

Volgens die Suider-Afrikaanse Litigasiesentrum (SALC) moet verteenwoordigers van Suid-Afrika op 7 April in die voorverhoorkamers van die Strafhof verskyn om te verduidelik waarom dié hof nie moet beslis téén Suid-Afrika nie. Suid-Afrika het nou ʼn kans om geskrewe en gesproke getuienis in te handig.

Maroela Media het vroeër berig die SALC het aangevoer Suid-Afrika, as ʼn ondertekenaar van die Statuut van Rome, wat die Internasionale Strafhof tot stand gebring het, was verplig om Al-Bashir in hegtenis te neem.

Die hooggeregshof in Pretoria het verlede maand gelas die regering se kennisgewing om te begin met sy onttrekking aan die Strafhof sonder die parlement se goedkeuring, is ongrondwetlik en ongeldig. Die regering is beveel om dié kennisgewing terug te trek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
lw

Die Strafhof moet sommer kennis neem van die die insidente in die Parlement waar daar gelag word en haatuitspraak gemaak is teenoor boere en gesinne wie wreed vermoor word.

DS

Lekker kry vir julle.

Ouma

Aaag foeitog die lot het seker vergeet om dit aantemeld! En dat ons ietsie geteken het! Het teveel ander tjol op onse gedagtes! Shame

CR

Baie baie sterkte! Trots op julle

Wouter

Nommer 1 is in beheer, hy moet pa staan vir sy besluite. Sluit hom sommer toe daar vêr.