Saak teen oudburgemeester later aangehoor

Zandile Gumede, voormalige Ethekwini-burgemeester. (Foto: Doctor Ngcobo/ANA)

Die saak teen Zandile Gumede en haar 21 medebeskuldigdes is Maandag in die Durbanse hooggeregshof uitgestel – dié keer tot 30 November.

Gumede, ʼn voormalige burgemeester van die Ethekwini-metroraad en lid van die KwaZulu-Natalse wetgewer, word beskuldig van korrupsie, geldwassery en bedrog wat verband hou met die toekenning van ʼn R398 miljoen-kontrak vir die verwydering van vaste afval in Durban.

ʼn Klag van rampokkery is vandag by die klagstaat teen die groep beskuldigdes gevoeg.

Gumede se medebeskuldigdes sluit onder andere in die geskorste Ethekwini-stadsbestuurder Sipho Nzuza, asook die voormalige verkrygingsbestuurder Sandile Ngcobo.

Sy is vroeër op borgtog van R50 000 vrygelaat en het verlede maand ingevolge ANC-beleid opsy gestaan terwyl die hofsaak teen haar voortduur.

Honderde van Gumede se ondersteuners het vroeër vandag buite die hof saamgedrom om hul steun aan die voormalige burgemeester te gee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Suzette

Al die sake word net heeltyd uitgestel en uitgestel en niks kom tot ‘n einde teen hierdie korruptes nie. En intussen kry hulle nog steeds ‘n salaris….

Persheks Adri

Liewe Vader wanneer sit die lot nou? Ons kan dit meer hanteer nie wragtag waar!

SjN

So n rampokker, van uitstel kom afstel.

Kokerboom

Hoekom is die kader skepsel en haar medeboewe NOG NIE in die tronk? Watse gevoetesleep is dit die?

Diline

Gumede vat jou pie en waai saam met jou ondersteuners. Verstaan nie dat hierdie korrupte vrou nog steeds mense het wat haar ondersteun nie, beslis iets fout met hulle.