SAL een van stiptelikste lugrederye ter wêreld

(Argieffoto: Henk Kruger/ANA)

Die Suid-Afrikaanse Lugdiens (SAL) is pas aangekondig as een van die stiptelikste lugrederye.

Die reisdata-en-ontledingsonderneming Cirium het SAL vierde geplaas in die kategorie vir lugrederye in die Midde-Ooste en Afrika. Volgens Cirium is SAL dus die voorste Afrika-lugredery wanneer dit by stiptelikheid kom.

Volgens die International Air Transport Association (IATA) se maatstaf is ʼn lugredery betyds wanneer dit binne 15 minute van die geskeduleerde aankomstyd aankom of binne 15 minute ná die geskeduleerde vertrektyd vertrek.

“Ons is baie in ons skik dat ons meestal by hierdie spertye hou,” sê Zuks Ramasia, waarnemende uitvoerende hoof van SAL.

SAL se algehele stiptelikheidsprestasie oor die hele roetenetwerk is 85,69%.

“Kliënte het altyd ʼn keuse en diegene wat kies om met ons te vlieg, besef dat ons ʼn betroubare lugredery is. Die resultate spreek boekdele oor die konsekwentheid en betroubaarheid van ons bedrywighede,” het Ramasia gesê.

SAL plaas stiptelikheid hoog op prys, het hy bygevoeg.

Cirium werk saam met meer as 90% van die wêreld se top-50 lugrederye.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Adrian

Iemand het n zol gerook betyds se voet en die lugredery is BANKROT seker April fool grap

Koeksuster

Jammer maar ek werk in die industrie en SAL is alles behalwe betyds! Net weer laas week is sommige van hulle vlugte met 2 ure plus vertraag. Nee wat die uitslae is beslis n klug.

SAF Air is betyds, die ou wat by Eskom opvlieg om die knoppie te druk vir loadshedding is betyds maar beslis nie SAL nie. As hulle nie betyds is nie dan kanselleer hulle die vlug sommer in totaal. Vierde is nie eerste nie hoor!

Le eiertjie

SAA, soos daar gese word, ” ja right.” As mens kyk hoe bestuur mensies SAA kan ons verstaan waar die statistiek vandaan kom. Vlug na Durban op 2 Januarie met twee ure vertraag.

Arnold

Daar gaan seker nou weer n paar wees wat gaan aanspraak maak op n vet bonus vir die prestasie

Vranet?

As dit so is, dan wil ek nie weet hoe sleg die res van die lugrederye gevaar het nie. Maar alle eer aan die wie darem probeer om dinge te laat werk by SAL. Ek kan net dink hoe mense wat trots is op hulle werk en ‘n goeie werksetiek het moet voel oor die duisende wat daar is wat geen benul het van dit nie. Geluk dan aan diegene wat tog probeer. Wie weet, meskien is daar tog lig vir SAL. Sterkte aan diegene wat dit probeer maak werk.