Sanco ontsteld oor vryspraak vir Coligny-twee

Pieter Doorewaard en Pillip Schutte tydens hul borgtogaansoek. (Foto: Jhua-Nine Wyrley-Birch)

Die burgerlike organisasie Sanco in Noordwes het Saterdag met skok reageer oor die vryspraak van Pieter Doorewaard en Phillip Schutte wat vroeër skuldig bevind is aan die moord op Matlhomola Mosweu (16).

Sanco het gesê die appèlhof se uitspraak is ʼn “waarskynlike regsdwaling”.

Maroela Media het vroeër berig die twee mans, wat onderskeidelik tot 18 jaar en 23 jaar tronkstraf gevonnis is, is in die appèlhof in Bloemfontein onskuldig bevind op die aanklagte teen hulle.

“Die uitspraak, wat effektief die vermeende moordenaars vrylaat, gee geloofwaardigheid aan die bewering dat ‘swart lewens nie saak maak nie’, en dit blyk daar is geen geregtigheid vir die armstes van die armes wat onder die ergste gruwels in landelike gemeenskappe gebuk gaan,” het Paul Sebegoe, provinsiale voorsitter van Sanco, in ʼn verklaring gesê. Hy versoek die staat om te appelleer teen die uitspraak.

“Die persepsie dat oortreders van gewelddadige misdade skotvry daarvan afkom terwyl slagoffers ses voet ondergronds begrawe word, sal die histories gemarginaliseerdes bly jag totdat diegene wat vir die tiener se grusame moord verantwoordelik is, agter tralies is.”

Hy het sy kommer uitgespreek dat die uitspraak, wat “op die hakke volg van ʼn oplewing van rassisme”, rassespanning verder kan aanhits.

“Dit sal ongetwyfeld nuwe wonde oopmaak wat begin gesond word het, in die hoop dat geregtigheid geskied het,” het hy gesê en burgers versoek om kalm te bly.

Die burgerregtegroep AfriForum het besluit om Doorewaard en Schutte se appèlaansoek te finansier nadat Bonakele Pakisi, die enigste ooggetuie in die moordsaak, teenoor vier mense erken het dat hy in die hof gelieg het. Hy het getuig dat hy gesien het hoe Doorewaard en Schutte die tiener vermoor.

“Die feit van die saak is dat AfriForum van die begin af gesê het dat die staat se enigste getuie, Bonakele Pakisi, leuens vertel het en daarom het ons die mans bygestaan. Ons het in hul onskuld geglo en geregtigheid het vandag geskied,” het Kallie Kriel, uitvoerende hoof van AfriForum, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Chris dupreez

Nou waneer spring Julias en sy rooi kepsies ook op die wa om die hof se besluit aan te val

melaney

“Daar is geen geregtigheid vir die armstes onder die armes” sê paul sebegoe van Sanco. Hy moet asb verduidelik hoe die anc BILJOENE vir die armstes belowe het, net om dit onder hulself en hul families/kamerade te deel. Vandag staan al die armes (onwettige buitelandes ingesluit) op straathoeke en bedel vir kos en/of werk. Dit gaan al vir 26 jaar so aan. Tweedens, die enigste staatsgetuie het aan nie minder as vier mense erken dat hy in die hof gelieg het en dat die twee blankes nie aan moord skuldig is nie. Vraag is nou: Wie gaan vir Doorewaard en… Lees meer »

Dup

Die Rooies het reeds gereageer….en sal seker nou die howe ook van rassisme beskuldig.As jy ñ bleek vel het word jy outomaties geteiken.

Althes

Sanco die enigste regsdwaling is jy.
Ek is baie bly die twee is vrygespreek. Politieke inmenging het die twee se lewe verwoes en miljoene rande se skadeaan dorpe gerig.

Hoekom

Die ware rassiste is die wat mense skuldig bevind wat onskuldig is, net omdat hulle velle wit is.