‘n Skermskoot uit die video wat op Carte Blanche uitgesaai is.
Jane Boswell, haar dogter Georgina en David Marais, ʼn olifanthanteerder, staan tereg op verskeie aanklagte, nadat hulle glo tussen Desember 2012 en Januarie 2013 olifante geslaan en vasgeketting het en nie genoeg skaduwee of water vir hulle verskaf het nie.
Die Nasionale Dierebeskermingsvereniging het in 2013 strafregtelike klagte teen die sirkus aanhangig gemaak vir die beweerde mishandeling van olifante by die Walmer West Primary School in Port Elizabeth.
Die skool het later toestemming om sy terrein te gebruik, onttrek. Videobeeldmateriaal wat in 2013 op Carte Blanche uitgesaai is, het gewys hoe die olifante vasgeketting, vir ure in die hitte gelos en met stokke geslaan word.
ʼn Bron na aan die ondersoek het gesê vier van die olifanthanteerders wat in die video gesien kan word, is glo afgedank en het intussen verdwyn.
O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.
25 Kommentare
En wat gebeur nou met die 5 tiere wat hulle onlangs dood geskiet het op Boswell se plaas??
VIESLIK verby. En dan was daar wraggies in ‘n vorige berig mense wat OPGEKOM het vir die spul! Ek skaam my vir die mensdom. Die diere moet almal vrygelaat word en die eienaars die ergste boetes en/of tronkstraf opgelê word – maak ‘n voorbeeld van hulle! Ek haaaaat sirkusse!
Natuurlik sal die olifanthanteerders nou weer die blaam kry – die sirkusbase moet mos toesig hou. Nee wat, geen sirkusse moet toegelaat word om te bestaan behalwe miskien een waar mense optree soos Cirque du soleil. Ek dink gepaste straf sou wees om dieselfde aand ie spul te doen as wat hulle aan die arme weerlose diere gedoen het.
Sluit hulle toe en gooi die sleutel weg. Pestelensies!
Weg met sirkus!! Diere behoort in so te lewe nie!!