Sisulu: ‘SA gereed om Zim te help’

Lindiwe Sisulu spreek verslaggewers Donderdag (11 Oktober 2018) in Pretoria toe. Foto: ANA

Lindiwe Sisulu, minister van internasionale betrekkinge en samewerking, het Donderdag gesê Suid-Afrika is altyd gewillig en gereed om te eniger tyd hulp aan Zimbabwe te bied sodra dié Afrika-land se owerhede dit versoek.

“Wat Zimbabwe betref, staan ons ten alle tye gereed om die mense van Zimbabwe te help. Ons het ʼn baie lang verhouding met die mense van Zimbabwe sedert die tyd tot ons in die struggle-jare was,” het Sisulu gesê. “Hulle kan net vra wanneer hulle ons hulp nodig het.”

Sisulu het gesê die Suid-Afrikaanse regering kan egter nie “ʼn ouboet” vir Harare wees nie en wag vir die buurland wat gebuk gaan onder erge ekonomiese uitdagings, geld- en voedseltekorte om te vra vir spesifieke hulp.

“Ons kan nie na Zimbabwe gaan en sê hier is ʼn sak wat ook al en julle moet dit vat nie. Ek glo internasionale verhoudings hang af van wederkerigheid,” het sy gesê.

“As en wanneer Zimbabwe ons ondersteuning met enige iets versoek, sal ons in staat wees om volledige ondersteuning aan hulle te bied. Ons wens die mense van Zimbabwe net die beste toe. Dit is ʼn land wat ons as ʼn vriend ag en ons wil graag stabiliteit daar hê. Ons wil graag sien dat die ekonomiese hervormings wat daar ingestel is suksesvol is.”

Pres. Emmerson Mnangagwa van Zimbabwe. Foto: Mike Hutchings/Pool Photo via AP, File

Die minister het beklemtoon sodra Zimbabwe hulp versoek, sal Suid-Afrika “meer as gewillig wees om te help”.

Brandstoftekorte in Zimbabwe het toegeneem en lang rye kan by vulstasies gesien word waar dié kommoditeit nog beskikbaar is. Dít te midde van wydverspreide paniek ook ʼn tekort aan basiese goedere wat aan die regering se nuwe soberheidsmaatreëls gewyt word.

Menseregteprokureurs in Zimbabwe het Donderdag gesê die polisie het talle arbeidsvakbondaktiviste in hegtenis geneem in aanloop tot beplande betogings in Harare waar die situasie uiters gespanne is oor die ekonomiese ineenstorting – volgens analiste die ergste in ʼn dekade.

Zimbabwe se Prokureurs vir Menseregte het gesê lede van die Zimbabwe Congress of Trade Unions (ZCTU) – die land se grootste vakbond – is in hegtenis geneem.

Boonop is die land in ʼn stryd gewikkel teen ʼn cholera-uitbreking wat toegeskryf word aan beskadigde waterpype en gebreekte rioolstelsels wat al meer as ʼn dekade lank wag op dringende herstel.

Verskeie winkels in Harare het sluitingskennisgewings op hul deure geplaas soos die geldtekort al groter word, ʼn aanduiding van die ekonomiese krisis waarin die land gedompel is.

Vroeër vandeesweek het winkels soos Edgars, Teta, KFC, St Elmos Zimbabwe en Corky’s Pub and Grill hul klante gewaarsku dat hulle beplan om hul deure te sluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
Pik

Jy kan nie eers jou eie mense help nie

Johan

Tellkom in vanderbiljpark is te sleg ons ADSL lyn is weer af help aseblief Maroela media

koos1

Lindiwe, al gehoor van “charity begins at home”?
SA val van een skandaal na die volgende (Digitale TV migrasie is die volgende een waarvoor ek wag om te ontvou/ontplof). Ek dink nie dat Zim gehelp wil word deur ‘n regering wat homself nie eers kan help nie, wat nog van ‘n land bestuur!

Spark Plug

Kan mense rerig so stupid wees…red eers jou eie mense

Smirre

Dalk moet Lindiwe en die res van die trop kaders eers probeer om hulself en hulle verdeelde party uit die modderput van korrupsie en leuens te help voordat hulle nog geld op ‘n land mors wat dieselfde waardes as die cANCer vir jare uitgeleef het. Lindiwe moet dalk begin verstaan SA is oppad na dieselfde plek as waar Zim nou is. Sal Zim SA help ?