Skenking aan Voortrekkermonument oorhandig

Alana Bailey, Cecilia Kruger en Joep Joubert.

AfriForum en verteenwoordigers van die Voortrekkermonument Draf & Stap Klub het ’n skenking van R25 000 aan die Voortrekkermonument oorhandig.

Dié bedrag is die opbrengs van die 2020 AfriForum Springbok Vasbyt-padwedloop wat deur die klub georganiseer en deur AfriForum geborg is.

Die wedloop het vanjaar op 11 Julie plaasgevind en is weens die Covid-19-inperkings virtueel aangebied. Sowat 265 atlete het wêreldwyd daaraan deelgeneem. Selfs in Skotland, Ierland, die VSA, Botswana en Namibië het mense saam gestap, gedraf en gehardloop.

Daar is besluit dat die inkomste wat met die wedloop gegenereer is aan die Voortrekkermonument geskenk sal word. Weens die inperkingsvereistes was dié instelling verplig om maande lank gesluit te bly, wat ’n groot finansiële terugslag vir die monument beteken het. Dit het pas weer vir besoekers geopen.

Die skenking is deur Joep Joubert namens die Voortrekkermonument Draf & Stap Klub en Alana Bailey namens AfriForum aan Cecilia Kruger, besturende direkteur van die Voortrekkermonument en Erfenisstigting, oorhandig.

Joubert en Bailey het die hoop uitgespreek dat meer instellings en individue die Voortrekkermonument sal ondersteun en het ’n beroep op die publiek gedoen om die terrein te kom besoek.

By die geleentheid is hulde ook gebring aan Leon Bezuidenhout (1966-2020), stigter van die klub, wat Sondag oorlede is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Althes

Baie dankie Afriforum

Alexander

Baie danie aan Afriforum en die Voortrekker Monument hardloopklub vir hierdie wonderlike bydrae. Ek hoop van harte dat hierdie bydrae sal help om die wiele aan die rol te hou. Ek daag ook alle hardloopklubs in Pretoria asook ander sportkodes om dieselfde te doen.

Johann

Ja shure. Hoeveel kos kon aan hoeveel mense gegee word vir R25 000? Maar nee, ons moet n semmie grafsteen befonds?

JohanF

Dankie aan almal betrokke…..