Skoksyfers oor gemeenskapskolleges bekend

naledi-pandor

Naledi Pandor. Foto: Flickr/GovernmentZA

Skokkende inligting oor die slaagsyfers by gemeenskapskolleges vir onderwys en opleiding is in die parlement bekend gemaak.

Naledi Pandor, minister van hoër onderwys en opleiding, het gereageer op ʼn skriftelike vraag hieroor deur die DA-LP Andricus van der Westhuizen.

Gemeenskapskolleges verskaf basiese geletterdheidsvaardighede aan volwassenes, en volgens die aankondiging deur Pandor is die nasionale slaagsyfer in dié sektor, waarop miljarde rand se belastingbetalersgeld bestee word, slegs 38%.

Die slaagsyfer wissel van provinsie tot provinsie, met die Wes-Kaap se slaagsyfer die hoogste en Limpopo sʼn die laagste.

Die Wes-Kaap het ʼn slaagsyfer van 45% behaal, gevolg deur die Oos-Kaap in ʼn verrassende tweede plek met 44%, die Vrystaat met 43,3%, KwaZulu-Natal met 41,9%, Mpumalanga met 39,2%, Gauteng met 38,9%, Noordwes met 35,8%, die Noord-Kaap met 30,8% en Limpopo loshande laaste met 22,4%.

Dit beteken bykans twee derdes van volwassenes wie se geletterdheidsklasse deur die staat gesubsidieer word, druip en die geld bereik nie sy doelwit nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Wurmpie

Watter geld deur die staat spandeer behaal die regte doelwitte

Jack Daniel

Stem saam Wurmpie!
Funny enough… Die wit “volwassens” Moet betaal en werk hard om Te slaag waar die wat dit verniet kry rug Ry en verwag om Te slaag want shame – hulle is mos altyd die verdruktes.
So spandeer n vermors hulle die land se geld. By gese As hulle dit nie pocket nie.

Hanna Hoekom

Limpopo en Noorwes is mos stoere EFF wereld, dan nie? En daar maak alles nou ewe skielik sin…

aj

Massas werklose jongmense lê leeg by kolleges en universiteite. Meeste is onopleibaar.

Hulle stroop die instansies van elke sent waarop hulle hulle hande kan lê sonder om akademies te vorder.

Wanneer hulle akademies uitgesluit word … na jare van gratis studie, verblyf, kos (… selfs kondome en sanitêre doekies) … dan verander hulle van instansie … en begin weer van voor af leeglê by die volgende instansie.

NAGMERRIE vir die land!

Rerig???

Jy kry n 2de kans in die lewe en wil waaragties nog nie iets van jouself maak nie. Maar apartheid sal die skuld hiervoor ook kry.