Skoolseuns kry borgtog ná moord

Thoriso Themane (Foto: ANA)

Sewe skoolseuns wat in hegtenis geneem is in verband met die moord op Thoriso Themane (27), is Woensdag in die Polokwane-landdroshof op borgtog vrygelaat.

Die sewe minderjariges, 15 en 16 jaar oud, is op borgtog van R2 000 elk vrygelaat en die saak is tot 31 Mei vir verdere ondersoek uitgestel, het kol. Moatshe Ngoepe, woordvoerder van die polisie, gesê.

Die twee volwassenes wat in verband met Themane se moord in hegtenis geneem is, het vroeër die week afsonderlik in dieselfde hof verskyn. Alfred Mothapo (36) en Chuene Maleka (37) is op borgtog van R1 000 elk vrygelaat.

Themane is op 23 Februarie in die Florapark in Polokwane aangerand waarna hy vir dood agtergelaat is. Themane was glo op pad huis toe van ʼn musiekoefening by sy kerk toe hy deur ’n groep oorval en aangerand is. Video’s is van die voorval gemaak en op sosiale media versprei.

Een van dié video’s wys hoe ʼn bebloede Themane gesleep, geslaan en geskop word. ʼn Ander wys hoe Themane se oënskynlik lewelose liggaam straat af gesleep word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Unfair

What about the murdered victims family.
These school kids knew exactly what they did. They must face the conciconces in a adult way.
My heart goes out for the murdered victim family. May God be with them in this time.

Michael P

R 2000 borg vir moord Dit wys jou hoe stuffed up is die land R150000 borg vir die K ” woord.

James

Maar die KFC ou sit nog. Die boer wat aan die huis vas gery het van werker sit nog.

Bietjie baie

En die Kentucky oortreders ….. Nee wat die regstelsel het teveel keuses en is nie regverdig nie.

Bren

En beste van als daar is ‘n video opname gemaak met ‘n selfoon.. wat meer wil hê om nog verder te ondersoek????? Skuldig en klaar!!! Maar die een se Pa was mos hoog op in die polisie. Een hand was die ander hand.