Altesame 1 648 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is ’n totaal van 3 696 823 bevestigde Covid-19-gevalle al in die land aangemeld en is die jongste positiwiteitskoers 5,2%.
Die meeste nuwe gevalle is in Gauteng (38%) aangemeld, gevolg deur die Wes-Kaap (22%) en KwaZulu-Natal (17%). Die totale aktiewe gevalle is 18 219.
Die sterftesyfer weens Covid-19 staan nou op 99 727 nadat nog twee sterftes aangemeld is, waarvan een sterfte in die afgelope 24 tot 48 uur plaasgevind het. Die departement van gesondheid het gesê weens ’n voortgesette oudit kan daar ’n agterstand wees in die aantal sterftes wat aangemeld is.
Tot dusver het 3 578 877 mense reeds van die virus herstel, ’n herstelkoers van 96,8%.
Suid-Afrika het tot dusver 23 452 959 toetse vir Covid-19 gedoen, 28 320 sedert die vorige verslag.
Volgens Nios was daar in die afgelope 24 uur 50 hospitaalopnames. Daar is tans altesaam 2 220 mense wat in hospitale vir Covid-19 behandel word.
Meer as 32,7 miljoen inentings is tot dusver gedoen.
Provinsiale statistieke:
Provinsie | Nuwe gevalle | Aktiewe gevalle |
Oos-Kaap | 72 | 497 |
Vrystaat | 59 | 1 610 |
Gauteng | 642 | 4 391 |
KwaZulu-Natal | 275 | 6 419 |
Limpopo | 73 | 250 |
Mpumalanga | 76 | 697 |
Noordwes | 75 | 931 |
Noord-Kaap | 14 | 2 590 |
Wes-Kaap | 362 | 834 |
Totaal | 1 648 | 18 219 |
Sterftes en persone wat herstel het:
Provinsie | Sterftes | Herstel |
Oos-Kaap | 16 553 | 327 208 |
Vrystaat | 7 621 | 192 462 |
Gauteng | 20 601 | 1 176 034 |
KwaZulu-Natal | 16 027 | 633 636 |
Limpopo | 4 542 | 150 570 |
Mpumalanga | 4 705 | 187 060 |
Noordwes | 4 711 | 186 505 |
Noord-Kaap | 3 213 | 102 853 |
Wes-Kaap | 21 754 | 622 549 |
Totaal | 99 727 | 3 578 877 |
Jy sal al die ander statistieke behalwe gewone seisoenale griep se statistieke kan kry. Gewone griep se statistieke word die afgelope 2 jaar as Covid statistieke bereken.
Nou vra almal alweer: Waarom die noodtoestand?
Julle maak my bang. My siekverlof is amper op.
Die virus is baie matig tans. Nogal opvallend dat n bank soos Absa voirspel het dat n 5de vlaag in April SA gaan tref. Ek het nie geweet dat virus wetenskaplikes by Absa werk nie. Van wanneer af is banke kenners oor siektes? Dan kan ek net sowel die Dept van gesondheid nader oor beleggings en waar om my geld te bele.
Dis 2022. Enigiets kan (en sal) gebeur
Soos enige ander maatskappy, het ABSA ‘n Risiko Bestuur afdeling, Die mense wat daar werk is nie bankiers nie, Netso het die DvG finansiele beamptes.
Ja dis kwaai. Die vraag is hoe weet hulle?
Alhoewel ek vertrou Absa, soos die Departement van Gesondheid, is verkeerd oor enige noemenswaardige toekomstige variant, mag heelwat ander instansies meer van gesondheid weet as onse departement. Absa se lewensversekeringafdeling het volgens hulle ‘n model wat ‘n 5de vlaag einde April voorspel. Ek sou graag wou weet wat die piek C19-gevalle en -sterftes gaan wees volgens hulle “model”. Daaroor swyg hulle.
NIOS se 1461 nuwe gevalle teenoor die Departement van Gesondheid se 1648 nuwe gevalle pla. Beide se totale gevalle klop egter met die 1648.
Mens wonder of hierdie nou die begin is van gevallemanipulasie soos mens vir 2 maande lank al sien op die sterftesyfers. Oor die ongeveer 2 maande het 920 werklike sterftes (NIOS se getalle) uitendelik 6897 amptelike sterftes (Departement van Gesondheid se getalle) geword. Geen verklaring van waar of wanneer hierdie ekstra sterftes gebeur het, is ooit gegee nie.