Nadat beurtkrag Sondagoggend vroeg opgeskort is en minstens vir ʼn paar uur se verligting gesorg het, het fase 3 kort gelede weer ingeskop.
Die kragvoorsiener het beurtkrag Sondag kort ná 02:00 weens ʼn verminderde vraag na krag oor die naweek opgeskort.
Sondag om 16:00 is daar weer na fase 3 oorgeskakel. Dit sal voortduur tot Maandag om 05:00.
Om 05:00 begin fase 1-beurtkrag en hierdie fase duur tot 16:00 waarna fase 3 weer in werking tree.
Die patroon sal tot verdere kennisgewing daagliks herhaal word.