Só styg DStv se pryse

Argieffoto (Foto: HolgersFotografie, Pixabay)

DStv het bevestig dat van sy pakkette van 1 April af duurder sal wees terwyl daar goeie nuus vir premium-intekenare is.

Volgens DStv is die gemiddelde styging onder verbruikersinflasievlakke. “Ons het fantastiese inhoud vir die jaar wat voorlê en wil graag soveel kliënte moontlik hê wat DStv geniet,” het ’n woordvoerder van MultiChoice gesê.

“Ons verstaan ​​dat tye in Suid-Afrika moeilik is en dat ons kliënte onder druk is om elke sent om te draai. As sodanig hou ons DStv so bekostigbaar en toeganklik moontlik aan soveel huishoudings as wat ons kan, om te verseker dat hulle goeie vermaak vir hul gesinne kan geniet.”

DStv het gesê die afgelope jaar het hy die 1% BTW-verhoging namens sy kliënte geabsorbeer, alhoewel inhoudskoste en buitelandse valuta-effekte toegeneem het as gevolg van die verswakking van die rand.

Volgens DStv sal die minimale prysstyging hom toelaat om voort te gaan met die lewering van ʼn topgehalte vermaaklikheidservaring. “Die beste plaaslike verhale word deur middel van reekse en flieks vertel terwyl daar toegang is tot naelbyt-sport en die jongste nuus, sowel as vooraanstaande internasionale reekse, films, dokumentêre en kindervermaak.”

Só lyk die stygings:

Produk Ou prys Nuwe prys
PremiumR809R809
Compact PlusR509R519
CompactR385R399
FamilyR245R265
AccessR99R105
EasyViewR29R29

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

73 Kommentare

jongste oudste gewildste
Johan

Ons het al die laaste 8 jaar geen TV nie. Ek weet in elk geval nie waar ek tyd moet kry vir TV kyk nie, ek speel eerder met my kinders en lees boekies vir hulle.

Mossie

Ek sien net die ou pryse, geen nuwe pryse nie MM.

Genis

En die herhalings sal aanhou en kyknet sal net op die duur pakette beskikbaar weed

Marinda

Ag nee wat, het al 9 maande terug ons sñ gekanseleer, tv verkoop en ons mis dit glad nie. Meer tyd vir ons self en gaan ook meer uit.

Irene

Programme oor en oor wat ek kyk