Soektog na Bloem-vrou eindig tragies

Natasha Mans (Foto: Verskaf aan Maroela Media)

Natasha Mans (41), die ma van die 15-jarige Noeline Koekemoer wat in April 2015 in haar ouerhuis in Bloemfontein wreed verkrag en vermoor is, se liggaam is Woensdag sowat twee weke ná haar verdwyning gevind.

Sy was sedert Donderdag 31 Mei vermis.

Kons. Wendy Nkabi, woordvoerder van die polisie, het die nuus aan Maroela Media bevestig. “Haar liggaam is nie ver van die huis waarvandaan sy verdwyn het nie, met ʼn skietwond aan haar nek gevind. Die wapen waarmee sy verdwyn het, is ook op die toneel aangetref,” het Nkabi gesê.

Sy kon nie onmiddellik bevestig wie Mans se liggaam opgespoor het nie.

Maroela Media het vroeër berig Mans het op 31 Mei ʼn werker gaan aflaai, teruggekeer huis toe en daarna spoorloos verdwyn. Sy het in die Groenvlei-gebied in Bloemfontein gaan stap en nie weer teruggekeer huis toe nie.

Sy het ʼn denim en ʼn oortrektop aangehad. Mans het ʼn tatoeëermerk op haar regterarm: ʼn kruis van ongeveer 8 x 4 cm groot met die datum van Noeline se afsterwe, 7 April 2015, daarby.

Moses Maoka (37) is in Desember 2015 twee lewenslange vonnisse opgelê vir die moord en verkragting van Noeline. Hy is ook tot ʼn bykomende nege jaar tronkstraf gevonnis op drie aanklagte van huisbraak.

Natasha het op Noeline se liggaam afgekom. Hulle het saam in ʼn woonstel op ʼn kleinhoewe in Bainsvlei gewoon. Maoka was voorheen ʼn werker op die kleinhoewe en het Noeline en haar ma geken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Gert

Ons land was baie veilig nou word ons daagliks vermoor !!

Staal

Dis baie tragies, ‘’n mens kan somer die pyn waarmee die vrou saamgeloop het aanvoel. Die nalatenskap van misdaad sterk soveel weier as wat mense dink. Waarom kan mense nie menswees nie?

MJ

So kan die dogter se moordenaar eintlik nou vir twee moorde skuldig bevind word..
Sterkte aan die familie. Watter moeilike tyd moes hierdie mamma deurgemaak het. Ai.

Riana

Ek stem… kan die mamma se eina voel! Soooo hartseer

Gesiggie

Waarvoor ek gevrees het, het gebeur.. hierdie Ma het soveel seer gehad.. sy kon nie verwerk wat met haar kind gebeur het,,, ek kan myself nie indink wat als deur haar gedagtes moes gaan..Ek is so jammer vir die Familie dat hul nog n geliefde moes verloor. Natasha was n prag van n vrou, maar sy het verkies om eerder saam haar kind gelukkig te wees in die Hemel… saam is hul nou veilig.. RIP