Soldaat val na sy dood tydens militêre demonstrasie

(Argieffoto) Oryx-helikopter Foto: airforce-technology.com

ʼn Suid-Afrikaanse soldaat het die afgelope naweek uit ʼn helikopter na sy dood geval tydens ʼn militêre demonstrasie.

Die Suid-Afrikaanse Nasionale Weermag (SANW) het bevestig sers. Goodwill Kabelo Moagi (35) het Saterdag per ongeluk uit ʼn Oryx-helikopter geval tydens ʼn demonstrasie van militêre onttrekking by die spesialemagte-viering in Phalaborwa in Limpopo.

“ʼn Amptelike ondersoek is van stapel gestuur om die verloop van gebeure wat gelei het tot die noodlottige ongeluk te bepaal,” lui ʼn verklaring van die SANW.

Genl. Solly Shoke, hoof van die SANW, is luidens die verklaring hartseer oor “die tragiese afsterwe van ʼn SANW-lid wat aan die 7- mediese bataljon verbonde was tydens ʼn toudemonstrasie in Phalaborwa”.

Moagi was die spanleier ten tyde van die ongeluk.

Volgens die verklaring het Shoke, Nosiviwe Mapisa-Nqakula, minister van verdediging en militêre veterane, asook Sam Gulube, die sekretaris van verdediging, hul medelye met die familie, geliefdes, kollegas en vriende van Moagi betuig.

“Mag sy siel in vrede rus.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
willie

Eers val ñ brandweerman verdiepings vêr na sy dood, toe ploeg die helikopter tydens ñ demostrasie met die AAD skou en nou hierdie ongeluk! Iets sê vir my opleiding skiet te kort!

Die waarheid

@mo. Hy was baie goed opgelei so asb. Dit was n ongeluk wat nie moes gebeur het nie. Sulke goed gebeur al is jy hoe goed opgelei. Simpatie en sterkte aan sy makkers en familie.

Kobus

Wys net weereens die quality van ons weermag, dis `n joke!

christa

my innige simpatie met sy geliefdes se groot verlies.

pienkie

Volgens anonieme bronne is hulle nie goed opgelei nie.