Sowat 75 passasiers is Sondag beseer nadat ’n bus naby Tinley Manor op die N2 in KwaZulu-Natal teen ’n tydelike sementversperring in die pad vasgery het.
Paul Herbst, woordvoerder van Medi Response KZN, sê paramedici is net na 03:00 na die toneel ontbied. Volgens inligting het die bus van Umzimkulu na Nongoma gereis toe dit teen die versperring vasgery en omgeslaan het.
Die bus het glo van ’n troue afgekom en die insittendes was familielede en gaste wat die troue bygewoon het.
Teen die tyd van publikasie was twee passasiers ernstig beseer, sewe het matige beserings opgedoen terwyl altesaam 66 geringe beserings opgedoen het.
Reddingswerkers is steeds op die toneel om beseerde passasiers by te staan.
“Een van die ernstig beseerde insittendes moes met kake van die lewe uit die voertuig bevry word,” sê Herbst.
Die polisie was op die toneel om ondersoek in te stel.
Sleg as die bestuurder se aandag nie op die pad is nie, en wettoepassing en padreëls verontagsaam en mede passasiers/insittendes se lewens op die spel plaas.
Het die bestuurder van die bus ook ge”party”?