(Foto: Janice du Plessis/ Maroela Media)
Andrew Whitfield, die DA se woordvoerder oor polisie, sê hy gaan ʼn strafregtelike klagte teen Bheki Cele, minister van polisie, en Fannie Masemola, nasionale polisiekommissaris, lê.
Die aanklagte hou verband met die onwettige besit van spioenasietoerusting, bekend as ʼn meeluisterapparaat, deur die Suid-Afrikaanse Polisiediens (SAPD).
Cele het onlangs erken dat die SAPD die meeluisterapparaat onwettig aangekoop het sonder om die vereiste sertifikaat van vrystelling – kragtens die Wet op die Regulering van Onderskepping van Kommunikasie en Verskaffing van Kommunikasieverwante Inligting (Rica) – van die minister van justisie te verkry.
“Die besit van sodanige toerusting sonder ’n geldige vrystellingsertifikaat is ’n kriminele oortreding, soos die minister van justisie self bevestig het,” sê Whitfield.
Volgens die Rica-wet is die besit, verkoop, aankoop of advertering van toerusting soos ‘n meeluisterapparaat streng verbode.
“As leiers van die SAPD het Cele en Masemola bewustelik toegelaat dat hierdie kriminele oortreding plaasvind.
“Dit ondermyn die oppergesag van die gereg en bring die reg op privaatheid van elke Suid-Afrikaner in gedrang,” sê Whitfield.
Daar sal NIKS van kom nie!
Hulle steur hulle niks! Hier sal niks van kom. Baie dankie DA!
Nog n saak wat n eeu gaan vat Die untouchables lag dit bloot net af
Zuma het ook gedink hy is untouchable. Ace Mangasule ook en kyk nou.
Ek kyk, ek sien niks. Zuma baljaar nog baie gemaklik oral rond, is hoeka nou weer op ‘n uitstappie in Rusland. Hy word nie eerns in die land gehou nie, wat nog van in gevangenis?
Mors van geld en tyd
Regtig!!!En wie betaal hierdie sake teen cele en masemola?
Untouchable!
Vir jare en jare (ook voor 1994) is daar van enige moontlike aparaat gebruik gemaak om op SA’ners te spioeneer.
Wat is die verskil nou ? Gedink ons het privaatheid en kan beweeg waar ons
wil ! Dink aan al die private kameras e.a. wat jou volg.
Spesiaal aangekoop on de Ruyter af te luister ?
Vat hom vas sl gaan daar niks van kom nie wys hom
Al wen die DA die saak, sal die uwe met ‘n glimlag gaan. Hy het genoeg oor jare bymekaar gemaak om as ‘n baie rykman af te tree. Daar sal niks op beslag gelê kan word nie
Dankie DA, vat hulle!
Gee hul gas!
Baie bly hieroor. Maar as dit by hofsake kom, gaan hulle seker slegs oor die vingers getik word, met ‘n waarskuwing. C en R is “joined at the hip”….geen gevolge vir korrupsie.
Dit is die ANC se Suid Afrika. Niks sal met hulle gebeur!
Staats kaders onder staats beskerming
Wonder wat n hof van die onregmatigheid sal se.?? Maar ek stem die regering kop in een mus met versuim om hofbevele na te kom.