Studentebetogings was poging om land te ‘destabiliseer’

Gwede Mantashe

Gwede Mantashe

Die ANC het gewaarsku teen pogings om die onlangse studentebetogings teen verhoogde universiteitsgelde te gebruik as ʼn manier om Suid-Afrika te destabiliseer.

Die ANC het Maandag in ʼn mediaverklaring, ná afloop van ʼn vergadering van sy nasionale uitvoerende komitee (NUK), na die onlangse gebeure verwys en gesê dit “is vroeë tekens van teenrewolusie”.

Volgens Gwede Mantashe, sekretaris-generaal van die ANC, het die NUK “baie tyd bestee om oor die toestand van hoër onderwys in die land te beraadslaag”.

Hy het gesê dat finansiering die grootste struikelblok vir tersiêre onderrig in die land is. “Dit was die korrekte besluit van die president dat daar geen verhoging in klasgeld vir 2016 sal wees nie.”

Die NUK het egter sy kommer uitgespreek oor pogings om die “opregte bekommernisse” van die studente vir ander doelwitte aan te wend. “Die opper van nuwe eise terwyl daar aan die oorspronklike eise gehoor gegee is, word gesien as ʼn poging om ontevredenheid te aan te wakker.”

Die NUK het onder meer gesê die teiken van staatsinstellings, slagspreuke oor regimeverandering en provokasie van die polisie tydens die betogings was alles “vroeë tekens van teenrewolusie”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Martin

Kry vir julle.

Johann Marx

Jip. Jy’s reg ou Gwede….Ek moes vir 2 jaar van my lewe in ‘n bruin uniform in ‘n tent slaap en rat-packs vreet…..in en om die lokasies van verskeie dorpe…..waar studente presies dieselfde gedoen het om die land te “destabiliseer”!! Julle het hulle daai tyd aangepor en geprys….en nou kritiseer jy hulle? Hau??

Kaspaas

Die cANCer doen goed genoeg op hulle eie om die land te destabiliseer.

Piet Pompies

Ek is nog besig om sinne te bou in my gedagtes toe ek Johann Marx se reaksie lees….Ek voel ook dieselfde, sal nie eers ‘n komma of punt skuif.
Kry vir jou, jy het eerste handse ervaring!

Rietrot

Die leiers van ons tyd skep die denke van die jeug dis volg hul die denke wat aan hul voorgeskryf word.