ʼn Skool in KwaZulu-Natal se markdag is terstond beëindig toe talle leerders begin kla het van naarheid en maagpyn en inderhaas hospitaal toe gejaag moes word.
Die bron van die olikheid blyk toe suigstokkies te wees wat een van die leerders as deel van markdag by die skool verkoop het. “Reaction Unit SA (Rusa) het Vrydag teen 11:40 ʼn oproep om hulp van ʼn onderwyser van ʼn skool in Veralum ontvang. Die onderwyser het verduidelik dat verskeie kinders, tussen die ouderdom van vyf en 13 jaar, hul onderwysers genader en gekla het van erge maagpyn, naarheid en selfs probleme met asemhaling,” het Rusa in ʼn verklaring gesê.
Dié leerders het almal suigstokkies geëet wat hulle by een van die ander leerders gekoop het.
“Lede van Rusa se span is onmiddellik na die skool toe, waar hulle die meeste van die siek leerders in die skool se parkeerterrein aangetref het. Paramedici van verskeie ambulansdienste het kort daarna ook op die toneel aangekom en die kinders ondersoek.”
Volgens die nooddiens IPSS Medical Rescue het omtrent 40 kinders siek geword.
Die meeste van die kinders is per ambulans na ʼn nabygeleë hospitaal geneem en ander se ouers het hulle na ʼn mediese fasiliteit vervoer.
Moenie enige iets suig nie.
Wat wil jy nou eintlik se dit is suigstokkies
Sou graag meer oor die suigstokkies wou verneem. Is dit algemeen beskikbaar? Waarvoor moet ons oplet?
Die vervaardiger is op Google
Ek lees elders dis XPOP Energy Red Dragon Lollipops . . . Die Vervaardigers is besig met n ondersoek