Tien vas oor ‘gesteelde’ koperkabels

Foto: SAPD

Foto: SAPD

Tien verdagtes is in Klerksdorp in Noordwes in hegtenis geneem nadat beweerde gesteelde koperkabels ter waarde van R250 000 in hul besit gevind is.

Brig. Sabata Mokgwabone, woordvoerder van die polisie, het gesê die polisie het in die week ʼn wenk ontvang van vermoedelik onwettige aktiwiteite in die nywerheidsgebied in die dorp. Hulle het op die perseel in Mahogany-laan toegeslaan en tien mans aangetref wat koperkabels op ʼn bakkie laai.

“Die perseel is deursoek en nog koperkabels is in twee ander voertuie gevind. Die verdagtes kon nie rekenskap gee waar die koperkabels vandaan kom nie. Die kabels waarop daar beslag gelê is, is ongeveer R250 000 werd,” het Mokgwabone gesê. Daar is ook op die drie voertuie beslag gelê.

Die tien verdagtes, waarvan vier Lesotho-burgers is, is op die plek in hegtenis geneem. Hulle sal Maandag in die Klerksdorp-landdroshof op aanklag van die besit van gesteelde goedere verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Johanna Botha

Net 10… ?

wilma

Nooi die inwoners van Afrika lande om hulself te kom verryk ten koste van SA. Dis wat govt wil he

Rabes

En so kry hulle Maandag borg en daar verdwyn hulle oor die grens. “Kobaai Maraai” hulle is vry.

Speedguard

Goeie werk, ek sou net verkies het dat die ondersoek beamptes die kabels / verdagtes moes gevolg het om vas te stel wie die eintlike kopers van die kabels is, hulle is die doring in die vlees, help nie jy sny die stert af nie, volg hom tot by die kop en kap die af !

Reti

Hoekom ‘gesteel’? Dit ís mos.