Tiener sterf tydens fratsongeluk in Orania

AVS Bokkieweek by Orania (Foto: Orania, Facebook

ʼn Vyftienjarige meisie van Olifantshoek in die Noord-Kaap is Vrydag in ʼn fratsongeluk in Orania dood.

Die jaarlikse Afrikaner Volkseie Sport (AVS) o/21-Bokkietoernooi vind tans in Orania plaas.

James Kemp, kommunikasiebestuurder van die Orania Beweging, het aan Maroela Media gesê die meisie was saam met haar ouers in Orania om hulle te help met kosvoorbereiding vir die spelers. Geen sportbedrywighede is Vrydag gehou nie.

“Sy het vanoggend van ʼn bewegende voertuig geval en lede van Orania-nooddienste het byna ʼn uur lank tevergeefs gepoog om haar by te bring,” het Kemp bygevoeg. Sy is op die toneel dood verklaar.

“AVS se bestuurspan het hulle medelye met die meisie se familie uitgespreek en staan hulle in die moeilike tyd by,” het Kemp gesê.

Die meisie se naam word tans weerhou op versoek van haar ouers. Die toernooi duur Saterdag voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Riaan

Dis baie hartseer !!

Gawie

Hulle beoefen sport op Goeie Vrydag in Orania? Moet sê ek is nogal verbaas.

Maya Roon Joubert

So jonk en onnodig maar feit van die lewe ‘frats’ ongelukke gebeur elke dag! My innige simpatie met haar ouers en familie!

Hennie Erasmus

Baie hartseer. Sterkte aan almal betrokke

AL

My hart bloei vir haar familie. Dis tragies en mag God se troos haar gesin omvou.