Tienermeisie verdrink aan Suidkus

Argieffoto

ʼn 15-jarige meisie het Saterdagaand naby Shelly Beach aan die KwaZulu-Natalse Suidkus verdrink.

Die Nasionale Seereddingsinstituut se span is om 18:20 ontplooi om die polisie en nooddienste by te staan ná berigte van ʼn verdrinking wat besig was om by St. Michael-strand, sowat 2 km van die reddingstasie, plaas te vind.

Jeremiah Jackson, stasiebevelvoerder, het gesê die meisie was in daardie stadium reeds uit die water gehaal en dat haar redders besig was met kardiopulmonêre resussitasie.

“Die tiener is egter ondanks dié pogings op die toneel dood verklaar,” het Jackson gesê.

Die polisie doen ʼn geregtelike doodsondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae