Trokdrywer brand erg ná petrolbom

Foto: ER

ʼn Vragmotorbestuurder het ernstige brandwonde opgedoen toe die vragmotor waarin hy gery het Sondag in die vroeë oggendure op die N1 naby Touwsrivier in die Wes-Kaap aan die brand gesteek is.

Volgens Werner Vermaak, woordvoerder van ER24, het paramedici omstreeks 01:00 op die vragmotor afgekom wat sowat 10 km buite Touwsrivier langs die pad aan die brand was.

“Die bestuurder is ʼn ent weg van die vragmotor af aangetref. Hy het ernstige brandwonde en ʼn enkelbesering opgedoen.”

Die 50-jarige vragmotorbestuurder het aan paramedici verduidelik dat hy die vragmotor waarin hy gery het van die pad af getrek het om te rus. Terwyl hy gelê en slaap het, is ʼn petrolbom deur een van die vensters gegooi en die vragmotor het aan die brand geslaan.”

Volgens Vermaak kon die bestuurder daarin slaag om uit die vragmotor te kom waarna hy toe glo deur ʼn onbekende aantal mans gejaag is wat ʼn petrolbom in sy rigting gegooi het.

Die vragmotorbestuurder is op die toneel behandel voordat hy na die Mediclinic Worcester gehaas is vir verdere behandeling.

Die Touwsrivier-polisie en Worcester-brandweer was op die toneel. Die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Karlahari

Alle opposisie partye moet druk om hierdie optrede as terrorisme te laat verklaar.

Vintcent

SA sal nooit regkom nie. Nie alvorens daar behoorlike leiers na vore tree en die huidige gespuis verwyder nie.

Victim

Poging tot moord! Almal wat klippe en petrolbomme na voertuie gooi, moet aangekla word van poging tot moord! Dit lyk of die regerende party te bang is om op te tree, so ons sal maar gewapen die paaie moet aandurf en onsself verdedig teen die moorddadige lafaards!

Karolis

Enige nuus oor die vrag? Dit is mos hoekom hulle hom brand steek.

James

Mense word vas gebind by hospitale, valse whatsapp boodskappe word vanaf n minister gestuur, 2 jong mense vermoor wat sonder petrol gaan staan. Klippe word op brue op vrag motors gegooi, hulle word aan die brand gesteek. Mnr President jy is in gestem en ingesweer doen iets!!!!!?? Dis n daaglikse slagveld hier!!!!!!!!!